Oliy ta’lim tashkilotlari, akademik litsey va texnikumlarda yangi o‘quv yili boshlanish sanasi belgilandi
2026/2027-o‘quv yilida akademik litsey va texnikumlarda o‘quv jarayonlari 2-sentyabrdan boshlanadi.
Oliy ta’lim tashkilotlarida esa:
1-bosqich talabalari uchun — 7-sentyabrdan;
2-bosqich va undan yuqori bosqich talabalari uchun — 14-sentyabrdan o‘quv jarayonlari tashkil etiladi.

Edu.uz

Talabalarning yozgi ta’til kunlarini mazmunli o‘tkazish. Ularni muzeylarga olib borish orqali, ularning qalbida ona Vatanga muhabbat tuyg‘ularini uyg‘otish maqsadida. Filial tyutorlari tomonidan talabalar shahrimizda joylashgan «Ayimxon Shamuratova nomidagi uy muzeyi»ga sayohatga olib borildi.

Talabalar muzey zallaridan o‘rin olgan eksponantlar bilan tanishish orqali A.Shamuratov va A.Shamuratovalar kim bo‘lganligi haqida to‘liq ma’lumotga ega bo‘ldi va ularning foydalangan buyumlari bilan yaqindan tanishdi.

Shuningdek, sayohat davomida talabalar muzey xodimlaridan o‘zlarini qiziqtirgan savollariga javoblar oldi.

Filial Matbuot xizmati.

Xorijiy va nodavlat oliy o‘quv yurtlaridan o‘qishni ko‘chirish

bo‘yicha ro‘yxatdan o‘tgan abituriyentlarning kasbiy (ijodiy) imtihonlarining natijalari.

Boks qoraqalpoq o‘g‘il bolalar

Jismoniy madaniyat qoraqalpoq qiz bolalar

Jismoniy madaniyat qoraqalpoq o‘g‘il bolalar

Jismoniy madaniyat o‘zbek o‘g‘il bolalar

Kurash qoraqalpoq o‘g‘il bolalar

Quarsh o‘zbek o‘g‘il bolalari

Futbol o‘zbek o‘g‘il bolalar

Voleybol qoraqalpoq o‘g‘il bolalar

Filial Matbuot xizmati.

2026/2027-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi.

Tanlov natijalarini 4 xil usulda bilish mumkin.

1️⃣ my.uzbmb.uz sayti orqali:

my.uzbmb.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

2️⃣ mandat.uzbmb.uz sayti orqali:

mandat.uzbmb.uz saytiga abituriyentning ID raqamini kiritgan holda.

3️⃣ Bilimni baholash agentligining quyidagi telegram botlariga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda:

👉@bmba_natija_bot
👉@bmba_natija_1bot
👉@bmba_natija_2bot

4️⃣ Test natijalari qaydnomasi orqali:

test natijalari qaydnomasi oliy ta’lim muassasalariga taqdim etiladi.

Filial Matbuot xizmati.

Bugun, 11 avgust kuni Berdaq nomidagi Qoraqalpoq davlat universitetida O‘zbekiston Respublikasi Prezidentining «Ta’lim sifatini ta’minlash va ta’lim xizmatlari ko‘rsatish tizimini takomillashtirish bo‘yicha qo‘shimcha chora-tadbirlar to‘g‘risida»gi Farmoniga muvofiq Ta’lim sifatini ta’minlash milliy agentligi bosh inspektori Rahmatjon Ro‘zmetov ishtirokida yig‘ilish bo‘lib o‘tdi.

Tadbirda agentlik bosh inspektori Farmon asosida joriy yilning 27-iyul sanasidan boshlab Ta’lim sifatini ta’minlash milliy agentligi tomonidan respublika miqyosida Umummilliy ish beruvchilar so‘rovnomasini o‘tkazishdan ko‘zlangan asosiy maqsad haqida tushunchalar berdi. Ya’ni, so‘rovnomani o‘tkazishdan asosiy maqsad bitiruvchilarning bilimi, amaliy ko‘nikma va kompetensiyalarini bevosita ish beruvchilarning fikri asosida baholash va ularning tayyorgarligi zamonaviy mehnat bozori talablariga qay darajada mos kelishini aniqlash ekanligini ta’kidladi.

Qoraqalpog‘iston Respublikasida o‘tkazilgan so‘rovnoma jarayoniga biriktirilgan operatorlar ish beruvchilar bilan telefon orqali intervyu o‘tkazdi va zarur hollarda korxona va tashkilotlarga bevosita borgan holda ish beruvchilar bilan suhbatlar tashkil etdi.

Filial Matbuot xizmati.

Dunyoning eng nufuzli universitetlarida tahsil olishni rejalashtirayotgan yoshlar va pedagoglar uchun yangi imkoniyat!

2026/2027-o‘quv yilidan boshlab O‘zbekiston Respublikasi fuqarolari bo‘lgan yoshlar hamda pedagog xodimlarni xalqaro reytinglarning QS yoki THE TOP-300 ro‘yxatiga kiruvchi xorijiy oliy ta’lim muassasalarida o‘qishini moliyaviy qo‘llab-quvvatlashning yangi mexanizmi joriy etildi.

Yangi tartibga ko‘ra, bakalavriat va magistratura bosqichlarida tahsil olish uchun;
Bir o‘quv yiliga 20 000 AQSH dollarigacha ekvivalent miqdorda milliy valyutada ta’lim krediti ajratiladi.

Kreditning asosiy qarzi o‘qishning rasmiy muddati tugaganidan keyin 7 oy o‘tgach boshlanib, 7 yil davomida qaytariladi.

✓  Kredit oluvchi bankka murojaat qilishda quyidagi hujjatlarni taqdim etadi:

▫️ ariza;
▫️ shaxsni tasdiqlovchi hujjatlar nusxasi;
▫️ taklifnoma-xat (1-kurslar uchun);
▫️ akademik o‘zlashtirish natijalari (2-kursdan boshlab);
▫️ to‘lov-kontrakt asosida o‘qish bo‘yicha shartnoma hamda oliy ta’lim tashkilotining bank rekvizitlari ko‘rsatilgan invoys;
▫️ birgalikda qarz oluvchilarning so‘nggi 12 oylik daromadlari yuzasidan ma’lumot;
▫️ mehnat daftarchasidan ko‘chirma (30 yoshdan oshgan pedagoglar uchun).

Kredit bo‘yicha foiz stavkasi Markaziy bankning asosiy stavkasi miqdorida belgilanadi.

Mazkur mexanizm iqtidorli yoshlar va pedagoglar uchun dunyoning yetakchi universitetlarida sifatli ta’lim olish imkoniyatlarini yanada kengaytiradi hamda raqobatbardosh kadrlarni tayyorlashga xizmat qiladi.

Filial Matbuot xizmati.

Filial Matbuot xizmati.

Filial Matbuot xizmati.

Filial Matbuot xizmati.

O‘zbekiston davlat jismoniy tarbiya va sport universiteti Nukus filialiga 2026-2027-o‘quv yili uchun hujjat topshirgan abituriyentlar joriy yilning 10-iyul sanasidan sport faoliyati (faoliyat turlari bo‘yicha) kasbiy (ijodiy) imtihonlarini belgilangan jadval asosida topshirib boshlagan edi.

Bugun joylarda o‘tkazilayotgan kasbiy (ijodiy) imtihonlarning ochiqlik va shaffoflik tamoyillari asosida o‘tkazilayotganligi bilan keng jamoatchilik vakillarini yaqindan tanishtirish maqsadida ommaviy axborot vositalari vakillari va blogerlar ishtirokida media tur tashkil etildi.

O‘tkazilgan media tur doirasida jurnalist va blogerlar kasbiy (ijodiy) imtihonlarning borishi bilan yaqindan tanishdi.

Shuningdek, ularga oliy ta’lim muassasalariga qabuldagi o‘zgarishlar va filialda mavjud mutaxassisliklar haqida ma’lumotlar berildi.

Filial Matbuot xizmati.

Kasbiy (ijodiy) imtihonlar jarayonlari O‘zbekiston Respublikasi Sport vazirligidan mas’ul etib biriktirilgan Farhod Turdiyev, Shahrat Toshturdiev, Qoraqalpog‘iston Respublikasi Sport vaziri Erkinbay Qutiboev va filial direktori, Qabul komissiyasi raisi Bayrambay Erimbetovlar tomonidan ko‘zdan kechirilmoqda.

Imtihonlar O‘zbekiston Respublikasi Sport vazirligi tomonidan mas’ul etib biriktirilganlar tomonidan kasbiy (ijodiy) imtihonlar oldindan belgilangan tartib va me’yorlarga muvofiq, oshkoralik va adolat tamoyillari asosida o‘tkazilishi qat’iy nazorat qilinmoqda.

Filial Matbuot xizmati.

O‘zbekiston davlat jismoniy tarbiya va sport universiteti Nukus filialida 2026-2027-o‘quv yili uchun sport faoliyati (faoliyat turlari bo‘yicha) kasbiy (ijodiy) imtihonlari bo‘lib o‘tmoqda.
Imtihonlarning ochiq, oshkoralik tamoyillari asosida o‘tishini ta’minlash uchun belgilangan joylarda o‘tkazilayotgan imtihon jarayonlari Sport vazirligi bo‘lim boshlig‘i Farhod Turdiyev tomonidan doimiy ravishda kuzatib borilmoqda.

Abituriyentlarning kasbiy (ijodiy) imtihonlarini topshirishi uchun joylarda to‘liq sharoitlar yaratilgan. Imtihon topshiruvchilarning ballarini baholash to‘liq raqamlashtirilgan. Ya’ni, imtihon topshiruvchiga o‘sha vaqtning o‘zida to‘plagan ballari qo‘l telefoniga SMS xabar qilib yuboriladi.

To‘plagan ballaridan norozi bo‘lgan abituriyentlar esa shikoyat arizasi berishlari uchun filialda apellatsiya komissiyasi ham ishlab turibdi.

Filial Matbuot xizmati.

Bugun O‘zbekiston davlat jismoniy tarbiya va sport universiteti Nukus filialida «Haq yo‘l sizga bitiruvchi» shiori ostida bitiruvchilarga diplom topshirish kechasi bo‘lib o‘tdi.

Tantanali ravishda diplom topshirish kechasini filial direktorining Yoshlar masalalari, ma’naviyat va ma’rifat ishlari bo‘yicha birinchi o‘rinbosari Gulmurat Xo‘jametov kirish so‘zi bilan ochib berdi va bitiruvchilarga baland parvoz va oq yo‘l tilab, har bir bitiruvchi ustozlaridan olgan bilimlariga tayangan holda o‘zlarining egallagan mutaxassisliklari bo‘yicha yetuk kadrlar bo‘lib yetishishlariga ishonch bildirdi.

Shundan so‘ng so‘zga chiqqan professor-o‘qituvchilar bitiruvchilarga o‘zlarining ezgu tilaklarini bildirdi.

Shuningdek, tantanali diplom topshirish kechasiga shahrimizdagi tadbirkorlar ham qatnashdi va ular bitiruvchilarni o‘zlaridagi mavjud ish o‘rinlariga taklif etdi.

Shundan so‘ng bitiruvchilarning ota-onalari, talabalarning o‘zlari to‘rt yil davomida ta’lim bergan professor-o‘qituvchilariga o‘zlarining minnatdorchiliklarini bildirdi.

So‘ng bitiruvchilarga tantanali ravishda diplomlarini topshirdi.

Ma’lumot o‘rnida joriy yilda O‘zbekiston davlat jismoniy tarbiya va sport universiteti Nukus filialini 221 nafar talaba muvaffaqiyatli tamomladi. Ular orasida Prezident va nomdor davlat stipendiyalari sohiblari ham bor.

Filial Matbuot xizmati.

Bugun 10-iyul kuni Oʻzbekiston davlat jismoniy tarbiya va sport universiteti Nukus filialida 2026/2027-o‘quv yili uchun   «Badiy gimnastika», «Velosport», «Karate WKF» va «Yunon-Rum kurashi» bakalavriat ta’lim yoʻnalishlariga kasbiy (ijodiy) imtihonlar boshlandi.

Kasbiy (ijodiy) imtihon jarayonlarining adolatli va shaffof o‘tishini online kuzatib boring:

✔️ Badiy gimnastika: https://youtube.com/live/yk5g593UMX0?feature=share

✔️ Velosport: https://youtube.com/live/CAzh4i-1SZs

✔️ Karate WKF: https://youtube.com/live/riTbRQjahRg?feature=share

✔️Yunon-Rum kurashi: https://youtube.com/live/LvmYupuOvzY?feature=share

❗️ Eslatib o‘tamiz: kasbiy (ijodiy) imtihonlar  Sport faoliyati (faoliyat turlari bo‘yicha) joriy yilning 10-17-iyul kunlari oralig‘ida bo‘lib o‘tadi. To‘plagan ballaridan norozi bo‘lgan abituriyentlar esa shikoyat arizasi berishlari uchun filialda apellatsiya komissiyasi ham ishlab turibdi.

Filial Matbuot xizmati.

Bugun O‘zbekiston davlat jismoniy tarbiya va sport universiteti Nukus filialiga 2026-2027-o‘quv yili uchun hujjat topshirgan abituriyentlarga bo‘lib o‘tadigan kasbiy (ijodiy) imtihonlariga tayyorgarlik ko‘rish, ochiqlik tamoyillari asosida o‘tishini ta’minlash maqsadida har bir mutaxassislik bo‘yicha kasbiy (ijodiy) imtihonlariga mas’ul etib biriktirilgan mutaxassislar ishtirokida yig‘ilish bo‘lib o‘tdi.

Yig‘ilishni Qabul komissiyasining mas’ul kotibi T.Seytmuratov kasbiy (ijodiy) imtihonlarga mas’ul etib biriktirilgan mutaxassislarga imtihonlarni har tomonlama belgilangan tartibda ochiqlik tamoyillari asosida o‘tkazish bo‘yicha tushuntirishlar berib o‘tdi.

Mas’ul mutaxassislar bu borada o‘zlarini qiziqtirgan savollariga javoblar oldi.

Filial Matbuot xizmati.

Joriy yilning 2-4 iyul kunlari oralig‘ida sportning dzyudo turi bo‘yicha O‘zbekiston kubogi bo‘lib o‘tgan edi.

Musobaqada O‘zbekiston davlat jismoniy tarbiya va sport universiteti Nukus filiali talabalari ham ishtirok etdi.

Qizg‘in bellashuvlarga boy tarzda o‘tgan musobaqa yakunida filial talabasi Aziza O‘mirboyeva 3-o‘rinni egallab, g‘oliblar qatoridan joy oldi va tashkilotchilar tomonidan Diplom, medal bilan taqdirlandi.

Sportchini musobaqaga murabbiylardan D.Nurishov va U.Beshimovalar tayyorladi.

Filial Matbuot xizmati.

O‘zbekiston davlat jismoniy tarbiya va sport universiteti Nukus filialida 2026-yilning II choragi uchun QR Vazirlar Kengashi tomonidan tasdiqlangan media reja asosida ommaviy axborot vositalari vakillari va blogerlar uchun matbuot anjumani bo‘lib o‘tdi.
Bu haqda «Erkin Qaraqalpaqstan» gazetasining 2026-yil 2-iyul kungi 75-76-sonida e’lon qilindi.

Filial Matbuot xizmati.

O‘zbekiston davlat jismoniy tarbiya va sport universiteti Nukus filiali «Koordinatsion va siklik sport turlari nazariyasi va uslubiyati» kafedrasi professor-o‘qituvchisi Utemuratov Iqlas Tilemuratovich!
Sizni O‘zbekiston Respublikasi Oliy Attestatsiya Komissiyasining 2026-yil 10-iyun kungi 386/1-sonli bayoni bilan «Jismoniy tarbiya, sport mashg‘ulotlari, sog‘lomlashtirish va adaptiv jismoniy tarbiya nazariyasi va metodikasi» mutaxassisligi bo‘yicha dotsent ilmiy unvoni tasdiqlanishi bilan filial mehnat jamoasi va shaxsan o‘z nomimdan samimiy tabriklayman!
Sizning xonadoningizga omonlik, mustahkam sog‘lik, ilmiy-pedagogik faoliyatingizda ulkan zafarlar tilayman.

Hurmat bilan,
O‘zbekiston davlat jismoniy tarbiya
va sport universiteti Nukus filiali
direktori, professor: B.Erimbetov.

O‘zbekiston davlat jismoniy tarbiya va sport universiteti Nukus filialiga 2026-2027-o‘quv yili uchun Sport faoliyati (faoliyat turlari bo‘yicha) kasbiy (ijodiy) imtihonlar topshiradigan abituriyentlar haqida ma’lumot.

Filial Matbuot xizmati.

Bugun O‘zbekiston davlat jismoniy tarbiya va sport universiteti Nukus filialida 2026-2027-o‘quv yiliga «Abituriyentlardan hujjatlarni qabul qilishning borishi haqida» ommaviy axborot vositalari vakillari uchun matbuot anjumani bo‘lib o‘tdi.

Matbuot anjumanida filial direktori, qabul komissiyasi raisi Bayrambay Erimbetov ommaviy axborot vositalari vakillariga 2026-2027-o‘quv yili uchun abituriyentlardan hujjatlarni qabul qilishning borishi, filialda mavjud mutaxassisliklar, shuningdek, kasbiy (ijodiy) imtihonlarning bo‘lib o‘tadigan joylari, baholash mezonlari, qanday abituriyentlarga kasbiy (ijodiy) imtihonlarda eng yuqori ball berilishi haqida ma’lumotlar berdi.

Jurnalistlar bu borada o‘zlarini qiziqtirgan savollariga javoblar oldi.

So‘ng filial direktori jurnalistlarni «27-iyun – Matbuot va ommaviy axborot vositalari xodimlari kuni» munosabati bilan filial faoliyatini keng jamoatchilikka tezkor tarzda yetkazishda yaqindan yordam berib kelayotgan soha fidoyilarini kasb bayrami bilan samimiy tabrikladi va ularga bayram sovg‘alarini topshirdi.

Filial Matbuot xizmati.

Bugun, 24-iyun kuni Berdaq nomidagi Qoraqalpoq davlat universitetida Nukus shahridagi barcha oliy o‘quv yurtlari talabalari ishtirokida «Bir Vatan, bir xalq bo‘lib, yangi hayot va kelajak yaratamiz!» shiori ostida «Talaba-FEST» festivali bo‘lib o‘tdi.

Yoshlarni yagona maqsad yo‘lida birlashtirish, ularning Vatanga sadoqat, milliy qadriyatlarga hurmat va kelajakka ishonch tuyg‘ularini yanada mustahkamlashga xizmat qiladigan muhim tadbirlardan biri sifatida yuqori darajada tashkil etilgan «Talaba-FEST» festivalida O‘zbekiston davlat jismoniy tarbiya va sport universiteti Nukus filiali talaba-yoshlari ham faol ishtirok etdi.

Festival doirasida «Robotexnika,» «Eng mazali taomlar,» «Eng yaxshi liboslar» ko‘rgazmasi, «Eng yaxshi plakatlar» tanlovi, «Zakovat,» «Ibrat» debat intellektual o‘yinlari, Sport musobaqalari va boshqa bir qator tadbirlar o‘tkazildi.

Yuqori saviyada tashkil etilgan tadbirlarda faol ishtiroki uchun filial talaba-yoshlari tashkilotchilar tomonidan Diplom bilan taqdirlandi.

Filial Matbuot xizmati.

Abituriyentlar va ularning ota-onalari diqqatiga!

O’zbekiston davlat jismoniy tarbiya va sport universiteti Nukus filialiga 2026-2027-o’quv yili uchun qabul jarayonlari bilan bog’liq savollaringizga to’liq ma’lumot olishingiz uchun Call-center markazi tashkil etildi.

Filial Matbuot xizmati.

Joriy yilning 18-21 iyun kunlari Toshkent shahrida sportning para badminton turi bo‘yicha O‘zbekiston chempionati bo‘lib o‘tgan edi.

Yuqori saviyada o‘tkazilgan O‘zbekiston chempionatiga O‘zbekiston davlat jismoniy tarbiya va sport universiteti Nukus filiali talabalari orasidan ham sportchilar ishtirok etdi. Chempionlik uchun qizg‘in bellashuvlarga boy tarzda o‘tgan musobaqa yakunida filial talabalari bo‘lgan Raxat Orazbaev, Roza Turg‘anbaeva, Dilfuza Biysenbaeva, Naima Polatovalar 1-o‘rinni egalladi, Ra’no Ibrohimova 2-o‘rin va Sardorbek Ibrohimov 3-o‘rin g‘oliblari bo‘ldi.

G‘oliblar tashkilotchilar tomonidan Diplom va medal bilan taqdirlandi.

Talabalarni musobaqaga murabbiylardan Rasul Otajonov tayyorladi.

Filial Matbuot xizmati.

Yoshlarni vatanparvarlik ruhida tarbiyalash, talabalarning ma’naviy va jismoniy tayyorgarligini oshirish maqsadida Yoshlar ittifoqi Qoraqalpog‘iston Respublikasi Kengashi va Shimoliy-G‘arbiy harbiy okrugi bilan hamkorlikda oliy o‘quv yurtlaridagi «Qalqon» jamoatchilik guruhi a’zolari o‘rtasida «Ittifoq kubogi» harbiy-sport musobaqasi o‘tkazildi.

Unda O‘zbekiston davlat jismoniy tarbiya va sport universiteti Nukus filiali «Qalqon» jamoatchilik guruhi a’zolari ham ishtirok etdi.

Belgilangan shartlar asosida qizg‘in bellashuvlarga boy tarzda o‘tgan musobaqa yakunida filial jamoasi faxrli 2-o‘rinni egalladi hamda tashkilotchilar tomonidan Diplom va esdalik sovg‘alari bilan taqdirlandi.

Filial Matbuot xizmati.

O‘zbekiston Respublikasi Vazirlar Mahkamasining 2025-yil 10-mart kuni «Oliy o‘quv yurtlarida talabalarga grantlarni taqdim etish va qayta taqsimlash tartibi to‘g‘risida»gi 149-sonli qarori qabul qilingan edi.

Ushbu qaror asosida grantga talabgor talabalar 2026-yil 20-iyulga qadar (20-iyul kuni ham) kontrakt.edu.uz sayti orqali onlayn ariza topshiradi.

Bunda talabgor talabalar;

– 2025-2026-o‘quv yilidagi kuzgi va bahorgi semestrlardagi fanlarni to‘liq o‘zlashtirgan, GPA (Grade Point Average) ko‘rsatkichlari 3,5 va undan yuqori bo‘lishi shart;

– agar talabgor talabalar 2025-2026-o‘quv yilining kuzgi va bahorgi semestrlaridagi fanlardan akademik qarzdor bo‘lsa (kreditni to‘play olmasa), GPA (Grade Point Average) ko‘rsatkichlari 3,5 dan past bo‘lgan holatda tanlovda qatnasha olmaydi;

– ushbu semestr vaqtida turli sabablarga ko‘ra (sog‘lig‘i yoki tashkil etilgan musobaqalar) yakuniy nazoratlarga qatnasha olmagan talabalar 2026-yil 5-iyulgacha shaxsiy jadval asosida fanlarni o‘zlashtirib ijobiy natijalar ko‘rsatsa grant tanlovida ishtirok etishi mumkin;

Filial Matbuot xizmati.

O‘zbekiston davlat jismoniy tarbiya va sport universiteti Nukus filialida rivojlangan davlatlarning oliy o‘quv yurtlari bilan xalqaro hamkorlik bo‘yicha aloqalar yaxshi yo‘lga qo‘yilgan.

Shu kunga qadar filial direktori bir qator rivojlangan davlatlarning oliy o‘quv yurtlari bilan hamkorlik bo‘yicha memorandumlar tuzgan.

Oliy ta’lim muassasalari o‘rtasida olib borilayotgan xalqaro aloqalarga asoslanib filial professor-o‘qituvchilari Amir Yusupov va Alisher Genjemuratov Xitoy Xalq Respublikasining Suxe-Szi shahridagi Suxe-Szi universitetida «Tashqi yordam inson resurslarini rivojlantirish» bo‘yicha o‘tkazilayotgan qisqa muddatli ilmiy stajirovka dasturida ishtirok etdi.

Filial Matbuot xizmati.

Usı jıldıń 26-28-iyun kúnleri Nókis qalasında birinshi márte Techstars Startup Weekend Nukus ideatonı bolıp ótedi. Bul ideyanı paydalı bizneske aylandırıw ushın úlken imkaniyat.

Tek 54 saat ishinde siz:

• Topar dúziń hám birinshi ónimdi jaratıń (MVP).

• “Techstars” metodologiyası járdeminde gipotezanı sınań hám biznesti modellestiriw boyınsha seminarlarǵa qatnasıń;

• Jetekshi AI, IT, biznes hám marketing qánigelerinen bilim alıń.

• Ónimdi investorlarga usınıs etiń.

• 30 000 000 sumlıq sıylıq qorı ushın bellesiń;

📍️ Nókis qalası, Berdaq atındaǵı Qaraqalpaq mámleketlik universiteti.

📅 26-28-iyun.

🔗 Dizimnen ótiw

Ideal waqıttı kútiwdi toqtatıń. Onı Techstars Startup Weekend-te jaratıń.

Filial matbuot xizmati.

Rektor xizmat safarini O‘zbekiston davlat jismoniy tarbiya va sport universiteti Nukus filialining 2025-2026-o‘quv yili yakunini o‘rganishdan boshladi. Bu bo‘yicha filial direktori B.Erimbetov, direktor o‘rinbosarlari, «Registrator ofisi» boshlig‘i va bo‘lim boshliqlari ishtirokida yig‘ilish o‘tkazdi.

Yig‘ilishda ta’lim sifatini yanada yaxshilash, o‘tkazilayotgan imtihonlarning ochiq-oshkoralik tamoyillari asosida o‘tishini to‘liq ta’minlash, kelgusi o‘quv yiliga yaxshi tayyorgarlik ko‘rish, talabalarning bilim olishi uchun barcha sharoitlarni yaratish va yangi o‘quv yiliga abituriyentlarni qabul qilish masalasiga ham alohida e’tibor qaratdi.

Bu bo‘yicha filial rahbariyatiga o‘z ko‘rsatmalarini berdi.

So‘ng rektor O‘zbekiston davlat jismoniy tarbiya va sport universiteti Nukus filiali qurilishi boshlanayotgan 400 o‘rinli «Talabalar uyi»ning qurilish ishlari bilan tanishdi.

Tanishuv davomida «Talabalar uyi»ning har tomonlama zamonaviy talablarga javob beradigan va sifatli qilib qurib bitkazilishini ta’minlash bo‘yicha filial direktoriga o‘zining fikr-takliflarini berdi.

Filial Matbuot xizmati.

Yoshlar o‘rtasida inson hayoti uchun xavfli va yomon illatlarning salbiy ta’sirlarini talabalar o‘rtasida keng targ‘ib qilish maqsadida «Biz giyohvandlikka qarshimiz» shiori ostida Berdaq nomidagi Qoraqalpoq davlat universiteti va O‘zbekiston davlat jismoniy tarbiya va sport universiteti Nukus filiali talabalari o‘rtasida sportning voleybol turidan do‘stlik uchrashuvi o‘tkazildi.

Filial Matbuot xizmati.