Qaraqalpaqstan Respublikasında dene tárbiyası hám sporttı keń en jaydırıw, ásirese, jaslar arasında salamat turmıs-tárizin úgit-násiyatlaw ushın zárúr sharayat jaratıw, xalıqaralıq sport jarıslarında múnásip qatnasatuǵın jaslardı tayarlaw maqsetinde Ózbekstan Respublikası Ministrler Kabinetiniń 2018-jıl 13-noyabr kúngi “Ózbekstan mámleketlik dene tárbiyası hám sport universiteti Nókis filialın shólkemlestiriw haqqında”ǵı qararı tiykarında Ózbekstan mámleketlik dene tárbiyası hám sport universiteti Nókis filialı shólkemlestirilgen.

     Birinshi bolıp Filialǵa tariyx ilimleriniń kandidatı, docent Bayram Jaqsımuratovich Mambetov direktor etip tayınlanǵan.

     Jaslar máseleleri hám ruwxıylıq-aǵartıwshılıq isleri boyınsha direktordıń birinshi orınbasarı pedagogika ilimleri boyınsha filosofiya doktorı, docent Darmenbay Esnazarovich Nurıshov, Oqıw isleri boyınsha orınbasarı tariyx ilimleri kandidatı Baxram Bekmuratovich Utemuratov, Ilimiy isler hám innovaciyalar boyınsha orınbasarı pedagogika ilimleri boyınsha filosofiya doktorı (PhD), docent Maxsetbay Ziynatdinovich Aytımbetovlar tayınlandı.

      Filialdıń tiykarǵı waziypaları etip sport iskerligi, dene tárbiyası hám sport menejmenti, mektepke shekemgi baslanǵısh tálimde dene tárbiyası hám sport, psixologiya (sport) tálim baǵdarları boyınsha joqarı maǵlıwmatlı kadrlardı xalıqaralıq standartlar dárejesinde tayarlawdı támiyinlew, ilimiy-texnologiyalıq waziypaların orınlaw, aldınǵı shet el tájriybesinen paydalanǵan halda sport tarawına baǵdarlanǵan ilimiy-ámeliy izleniwlerdi alıp barıw etip belgilendi.

       Sonday-aq, oqıw hám ilimiy joybarlardı ámelge asırıw, bilimlendiriw hám ilimiy izleniwler barısına qánigelerdi keń qamtıp alıw maqsetinde islep shıǵarıw hám qayta islew tarawlarındaǵı shet ellerdiń jetekshi joqarı oqıw orınları hám ilimiy oraylar menen birge islesiwdi rawajlandırıw, olarǵa úmitli jas pitkeriwshilerdi magistratura hám doktoranturaǵa turaqlı túrde jiberiw arqalı filialdıń ilimiy-pedagogikalıq potencialın asırıp barıwdan ibarat.

 Eń dáslep filialda “Sport túrleri” fakulteti shólkemlestirilgen.

2018-2019-oqıw jılı sport túrleri boyınsha;

• • voleybol,
  • basketbol,
  • dzyudo,
  • erkin gúres,
  • mektepke shekemgi baslanǵısh tálimde dene tárbiyası hám sport,
  • kórkem gimnastika,
  • eskek esiw,

bakalavrlar tayarlaw boyınsha kúndizgi tálim baǵdarları boyınsha jámi 50 student penen óz iskerligin baslaǵan.

2019-2020-oqıw jılında sport túrleri boyınsha;

• • voleybol,
  • basketbol,
  • dzyudo,
  • erkin gúres,
  • mektepke shekemgi baslanǵısh tálimde dene tárbiyası hám sport,
  • kórkem gimnastika,
  • eskek esiw,
  • psixologiya (sport)

kúndizgi, sırtqı, arnawlı sırtqı tálim baǵdarlarına jámi 202 abiturient studentlikke qabıl etildi.

2020-2021-oqıw jılında sport túrleri boyınsha;

• • voleybol,
  • boks,
  • dzyudo,
  • erkin gúres,
  • mektepke shekemgi baslanǵısh tálimde dene tárbiyası hám sport,
  • kórkem gimnastika,
  • eskek esiw,
  • psixologiya (sport),
  • júziw,
  • kurash,
  • futbol,
  • basketbol

kúndizgi, sırtqı, arnawlı sırtqı tálim baǵdarlarına jámi 322 abiturient studentlikke qabıl etildi.

2021-2022-oqıw jılında sport túrleri boyınsha;

• • voleybol,
  • boks,
  • dzyudo,
  • erkin gúres,
  • mektepke shekemgi baslanǵısh tálimde dene tárbiyası hám sport,
  • kórkem gimnastika,
  • eskek esiw,
  • psixologiya (sport),
  • júziw,
  • kurash,
  • futbol,
  • basketbol,
  • jeńil atletika,
  • qol tobı,
  • awır atletika,
  • grek rim,
  • shaxmat,

kúndizgi, sırtqı, arnawlı sırtqı tálim baǵdarlarına jámi 322 abiturient studentlikke qabıl etildi.

2022-2023-oqıw jılında sport túrleri boyınsha;

• • voleybol,
  • boks,
  • dzyudo,
  • erkin gúres,
  • mektepke shekemgi baslanǵısh tálimde dene tárbiyası hám sport,
  • kórkem gimnastika,
  • eskek esiw,
  • psixologiya (sport),
  • júziw,
  • kurash,
  • futbol,
  • basketbol,
  • jeńil atletika,
  • qol tobı,
  • awır atletika,
  • grek rim,
  • shaxmat,
  • velosport
  • qılıshpazlıq
  • badminton

kúndizgi tálim baǵdarlarına jámi 368 abiturient studentlikke qabıl etildi.

    2022-2023-oqıw jılında filialda kúndizgi tálimde 799, sırtqı tálimde 370 hám arnawlı sırtqı tálim baǵdarında 59 jámi 1 228 student bilim almaqta.

2023-2024-oqıw jılında sport túrleri boyınsha;

• • voleybol,
  • boks,
  • dzyudo,
  • erkin gúres,
  • kórkem gimnastika,
  • eskek esiw,
  • júziw,
  • kurash,
  • futbol,
  • basketbol,
  • jeńil atletika,
  • qol tobı,
  • awır atletika,
  • grek rim,
  • shaxmat,
  • velosport
  • qılıshpazlıq
  • badminton

kúndizgi tálim baǵdarlarına jámi 257 abiturient studentlikke qabıl etildi.

     2023-2024-oqıw jılında filialda kúndizgi tálimde 545, sırtqı tálimde 517, jámi 1 062 student bilim almaqta.

      Ózbekstan mámleketlik dene tárbiyası hám sport universiteti Nókis filialı 540 oqıw orınlıq oqıw imáratına, oraylıq “Turan” stadionına, Mámlmleme resurs orayı, elektron kitapxana https://t.me/el_kitapxana hám “Sanlı texnologiyalar” orayları bar.

       Házirgi kúnde filialda “Sport túrleri” fakulteti, “Dene tárbiya teoriyası hám gumanitar pánler”, “Jeke gúres hám tábiyiy pánler” hám “Sport oyınları” kafedralırı bar. Bunnan tısqarı studentler arasında dene tárbiyası hám sporttı keń en jaydırıw maqsetinde “Aral” sport klubı jumıs islep tur.

         Ózbekstan mámleketlik dene tárbiyası hám sport universiteti Nókis filialına 2023-jıl 6-setyabr sánesinen baslap pedagogika ilimleri boyınsha filosofiya doktorı, professor Erimbetov Bayrambay Karlıbaevich direktor bolıp tayınlandı.

       Ózbekstan mámleketlik dene tárbiyası hám sport universiteti Nókis filialı direktorınıń Jaslar máseleleri hám ruwxıylıq-aǵartıwshılıq isleri boyınsha birinshi orınbasarı docent Xaydarov Rustam Maratovich2023-jıl 6-oktyabr kúni tayınlandı.

      Usı kúnge shekem filialda bilim alıp atırǵan studentler arasınan 14 jáhán, 21 Aziya, 49 Ózbekstan chempionları jetilisip shıqtı. Bir student “Jasorat” hám “Shuxrat” medalı menen bes studentimiz “Úmit ushqını” menen sıylıqlandı. 6 student xalıqaralıq dárejedegi, 22 student “Ózbekstan sport sheberi” dárejelerine iye.

       Házirgi kúnde filialda 1 ilim kandidatı (PhD), professor ilimiy dárejesine iye, 3 ilim kandidatı-docent ilimiy dárejesine iye, 9 ilim kandidatı (PhD) hám 2 ilimiy dárejesiz docentler bar.