Ózbekstan mámleket dene tárbiyası hám sport universiteti Nókis filialınıń Jaslar awqamı baslanǵısh shólkemi jetekshisi Arzımbetov Baxauatdin Allambergen ulı Tel: (+99891) 097-39-39 E-mail: bakhauatdin4949@gmail.com

AWQAMNÍŃ MAQSET HÁM WAZÍYPALARÍ

   Awqamnıń tiykarǵı maqseti jaslardı mámleketimizde ámelge asırılıp atırǵan demokratiyalıq, siyasıy hám ekonomikalıq reformalardı jáne de tereńlestiriw, jámiyette tınıshlıq hám awızbirshilikti bekkemlew, Ózbekstandı jáhánnıń rawajlanǵan mámleketleri qatarına kiriwi processlerine tartıw, sonday-aq, jas áwladtıń huqıqları, erkinlikleri hám nızamlı máplerin nátiyjeli qorǵawdı támiyinlew, jigit-qızlardıń ruwxıy hám kásiplik dárejesin kóteriw, olardıń intellektuallıq hám dóretiwshilik potencialın ámelge asırıwǵa kómeklesiwden ibarat.

Awqamnıń tiykarǵı wazıypaları tómendegilerden ibarat:

• náwqıran, erkin pikirleytuǵın, óziniń turmıslıq poziciyası hám qatań pikirine iye, jámiyet turmısında múnásip orın iyeleytuǵın, mámleketti reformalaw, jańalaw processlerinde sheshiwshi kúsh hám bekkem tayanısh bolıwǵa ılayıq jaslardı qáliplestiriw, olardıń siyasıy mádeniyatı, huqıqıy sawatlılıǵı hám huqıqıy sanasın kóteriw;
• jaslardı, atap aytqanda jámlespegen jaslardı ruwxıy tárepten áskeriy patriotlıq ruwxında tárbiyalaw, olarda tarıyxıy yad, milliy namıs hám ózlikti ańlaw, júz berip atırǵan waqıyalarǵa tiyislilik, milliy hám ulıwma insanıy qádiriyatlarǵa húrmet sezimlerin qáliplestiriw;
• jaslardıń huqıq hám nızamlı máplerin qorǵaw, olardıń zamanagóy kásiplerdi iyelewge bolǵan umtılıwın qollap-quwatlaw, isbilermenlik iskerligine tartıw;
• uqıplı jaslardı qollap-quwatlaw, olardıń óz dóretiwshilik hám intellektuallıq potencialın ámelge asırıwı ushın shárayatlar jaratıw hám ilimiy jumısqa tartıw;
• jaslar, atap aytqanda jámlespegen jaslar ortasında salamat turmıs tárizi, ekologiyalıq mádeniyattı qáliplestiriw, olardı dene tárbiyası hám sport penen úzliksiz shuǵıllanıwǵa keńnen tartıw;
• jaslardı, atap aytqanda jámlespegen jaslardı diniy-ekstremistlik hám basqa buzǵınshı shólkemler tásirinen, sırttan “ǵalabalıq mádeniyat” nıqabı astında kirip kiyatırǵan unamsız tásir hám qáwiplerden asıraw, jaslar ortasında huqıqbuzarlıq hám jınayatshılıqtı profilaktika etiw hám aldın alıwǵa kómeklesiw hám basqalar.
• Joqarıda sanap ótilgen wazıypalardı ámelge asırıw maqsetinde awqam óz iskerliginiń túrli baǵdarları boyınsha tiyisli ilajlar Baǵdarlamasın qabıllawı múmkin.