Ózbekstan Respublikası Ministrler Kabinetiniń 2021-jıl 9-sentyabrdegi “Respublika joqarı bilimlendiriw mákemelerinde studentlerdi turaq jay menen qamtıp alıw dárejesin arttırıw ilajları haqqında”ǵı 563-sanlı qararı qabıl etilgen. Bul qararda studentler turaq jayların mámleketlik-jeke menshik sheriklik tiykarında jeke menshik investiciyalardı tartıw arqalı qurıw belgilengen.

Ózbekstan mámleketlik denetárbiya hám sport universiteti Nókis filialına jeke menshik intaker “XAYAT GROUP” JShJ tárepinen baslama usınısı, sonıń ishinde, joybar koncepciyası usınılǵan. Bul joybarda Ózbekstan mámleketlik denetárbiya hám sport universiteti Nókis filialı (0,3 gektar) aymaǵında 400 orınǵa mólsherlengen studentler turaq jayınıń imaratın qurıw hám jumısın shólkemlestiriw rejelestirilgen.

Joybar boyınsha jeke menshik sherikti tańlaw Ózbekstan Respublikasınıń “Mámleketlik-jeke menshik sheriklik haqqında”ǵı Nızamı hám Ózbekstan Respublikası Ministrler Kabinetiniń 2024-jıl 30-oktyabrdegi 720-sanlı “Mámleketlik-jeke menshik sheriklik tarawın bunnan bılay da jetilistiriw hám kompleksli sistemalastırıw ilajları haqqında”ǵı qararı talaplarına muwapıq ámelge asırıladı.

Qosımsha etilip atırǵan hújjetler:

Qızıgıwshılıq bildiriw ushın soraw forması	Joybar koncepciyası;
Joybar haqqında maǵlıwmat.

Bul joybardı ámelge asırıwdan mápdar investorlar joybar járiyalanǵan kúnnen baslap 45 kún ishinde “Qızıǵıwshılıq bildiriw forması”n tómendegi mánzillerge jiberiwi kerek.

Ózbekstan mámleketlik dene tárbiya hám sport universiteti Nókis filialı

Elektron pochta mánzili: ozdjtsunf@edu.uz

Telefon nomeri: 61 224-12-48, 224-27-78

Mánzil: 230101, Qaraqalpaqstan Respublikası, Nókis qalası Qaraqalpaqstan kóshesi 24-jay

---

 

Joqarı bilimlendiriw, ilim hám innovaciyalar ministrligi

Elektron pochta mánzili: devonxona@edu.uz

Telefon nomeri: 71 203-32-23

Mánzil: 100095, Tashkent qalası Talabalar kóshesi 7-jay.

 

---

 

Ózbekstan Respublikası Ekonomika hám finans ministrligi

Elektron pochta mánzili: dxshtender@imv.uz, Shahodat.Navruzova@imv.uz

Telefon nomeri: 71 203-50-50 (01919)

Mánzil: 100017 Tashkent qalası, Istiqlol 29-jay.

“Mámleketlik-jeke menshik sheriklik haqqında”ǵı Nızamnıń 17-statyasına tiykarlanıp, qızıǵıwshılıq bildiriw ushın soraw hám tenderler (usınıslar) alınǵan jaǵdayda, mámleketlik sherik tárepinen joybardıń jeke menshik intakeri hám qızıǵıwshılıq bildirgen úshinshi táreplerdiń qatnasıwında jeke menshik sherikti anıqlaw ushın tender ótkeriledi.

 

 

Ózbekstan mámleketlik dene tárbiyası hám sport universiteti Nókis filialında mámleketlik-jeke menshik sheriklik tiykarında studentler turaq jayın qurıw joybarı boyınsha jámietlik dodalaw járiyalanıwı

júklep alıw