Dene tárbiyası teoriyası, gumanitar hám tábiyiy pánler kafedrası

Ózbekstan mámleketlik dene tárbiyası hám sport universiteti Nókis filialınıń 2021-jıl  20-sentyabrdegi 259-sanlı buyrıǵı tiykarında “Dene tárbiyası teoriyası, gumanitar hám tábiyiy pánler” kafedrası shólkemlestirildi. Házirgi kúnde kafedrada 26 professor-oqıtıwshı (21 tiykarǵı shtatda) jumıs alıp baradı. Kafedra baslıǵı wazıypasın atqarıwshı etip pedagogika ilimleri boyınsha filosofiya doktorı (PhD), docent Kuralbaev Azizbek Kuralbaevich tayınlandı.

Kafedrada 4 bakalavriat baǵdarı boyınsha studentlerge arnawlı hám sociallıq pánler boyınsha professor-oqıtıwshılar sabaq bermekte.  Kafedrada 8 filosofiya doktorı (PhD), 1 ilim kandidatı jumıs alıp barmaqta, kafedranıń ilimiy potencialı 35 procentti quraydı.

Kafedra professor-oqıtıwshıları pedagogikalıq jumıs penen birge
ilimiy-metodikalıq jumısın da tabıslı alıp barmaqta. Kafedra baslıǵı p.i.b.f.d (PhD), docent A.Kuralbaev avtorlıǵında “Sport hám háreketli oyınlardı oqıtıw metodikası Gandbol” atlı sabaqlıq hám “Jas gandbolshılardıń oqıw-shınıǵıw procesin jetilistiriw” atlı monografiya, ps.i.b.f.d (PhD) docent, kafedra docenti T.Arzimbetovtıń dotsent A.Elmuratova menen birgelikte “Sport psixologiyasi” atlı sabaqlıq, T.Arzimbetovtıń (A.Elmuratova, M. Aytimbetov, Jumabayevlar) menen birgelikte “Social psixologiya” atlı sabaqlıq, T.Arzimbetovtıń (A.Elmuratova, Jumabayevlar) menen birgelikte “Ulıwma psixologiya” atlı oqıw qollanbası, ps.i.b.f.d. (PhD), w.a docent U.Kalilaeva avtorlıǵında “Basqarıw psixologiyası” atlı oqıw qollanbaları baspadan shıqtı.

Sonday-aq kafedra baslıǵı A. Kuralbaevtıń Joqarı attestaciya komissiyasınıń 2024-jıl 1-san byulleteninde 13.00.04 Dene tárbiya, sport shınıǵıwları, salamatlastırıw hám adaptiv dene tárbiya teoriyası hám metodikası qánigeligi boyınsha pedagogika pánleri doktori (DSc) ilimiy dárejesin alıw ushın “Tájriybeli gandbolshılardıń oqıw-shınıǵıw procesin shólkemlestiriw texnologiyası” atlı, Erkin izleniwshi Mambetiyarov Naurız Saparbaevichtıń pedagogika pánleri boyınsha filosofiya doktori (PhD) ilimiy dárejesin alıw ushın “Jas futbolshılardıń texnikalıq tayarlıǵın kinematikalıq kórsetkishler tiykarında rawajlandırıw metodikası” atlı teması tastıyıqlandı. Erejepov Islam Yusupovichtıń “Sport mekteplerinde kásipke baǵdarlanǵan tálim sistemasınıń pedagogikalıq tiykarları” atlı doktorlıq dissertatsiya (PhD) temaları ilimiy keńeste tastıyıqlandı.