Ózbekstan mámleketlik dene tárbiyası hám sport universiteti Nókis filialınıń “Karera orayı” Ózbekstan Respublikası Prezidenti Sh.M.Mirziyoyev basshılıǵında 2021-jıldıń 16-iyun kúni ótkerilgen 34-sanlı jiynalıs bayanınıń 2, 3 hám 10-bántleri hám de Joqarı hám orta arnawlı bilimlendiriw ministirliginiń 2021-jıl 23-iyundaǵı 314-sanlı buyrıǵı hám filial direktorınıń 2021-jıl 29-iyuldaǵı 215-sanlı buyrıǵınıń 4-bántinde belgilengen wazıypalar atqarılıwın támiyinlew maqsetinde shólkemlestirilgen.

Karera orayı Ózbekstan mámleket dene tárbiyası hám sport universiteti Nókis filialı aymaǵında jaylasqan oray bolıp, studentlerge jumıs tabıw kónlikpelerin asırıw, keleshekdegi kásip tańlawda hám oǵan erisiwde járdem beriw, qánigeligine mas jumıs orınların yamasa ilimiy iskerlik dástúrlerin tabıw, jumıs beretuǵınlarǵa jollanbalar alıw, tarmaq kónlikpelerin asırıw maqsetinde iskerlik júrgizedi.

• Universitet aymaǵında sáwbet

Karera orayı filialdı tamamlaǵan óziniń professional iskerliginde joqarı jetiskenliklerge erisken pitkeriwshiler menen studentler ortasında turaqlı túrde ilajlar, dógerek sáwbetleri hám sheberlik sabaqları alıp barılıwın támiyinleydi.

• Pitkeriwshilerdiń jumısqa jaylasıwı

Filialda islengen “Karera orayı” studentlerdi, ásirese, pitkeriwshilerige házirde ámelde bolǵan hám miynet bazarı talap qılıp atırǵan bos jumıs orınları haqqında maǵlıwmatlar berip baradı. Hám de, bul bos jumıs orınları ushın studentlerden talap etip atırǵan bilim, kónlikpe hám ilmiy tájriybeler menen olardı xabardar etip barıwdı tiykarǵı wazıypa etip belgileydi.

• Studentler ushın REZYUME

Bul xızmette studentler ushın jumıs beriwshiler talabınan kelip shıqqan halda student haqqındaǵı maǵlıwmatlardı biliwi ushın rezyume úlgisi hám de studentler keleshekte qaysı tarawda hám shólkemlerde islewdi qálewi haqqında sorawnamalar alıp barıladı.

• Normativ hújjet

Karera orayı nızamı

• Jumıs beriwshiler hám studentler ushın maǵlıwmat

Karera orayı qánigesinen hújjet toltırıw hám sáwbetke tayarlanıw boyınsha járdem almaqshı bolsańız, tómendegi pochtaǵa xabar jiberiń:

marhabourazboyeva@gmail.com Telefon: +998905929604

• Studentler ushın jumısqa jaylasıwǵa kerek bolatuǵın hújjet

1.Shaxstı tastıyıqlawshı hújjet. 2.Bakalavr diplom nusqası

• Studentler ushın vakant jumıs orınları:

1.www.ish.mehnat.uz 2.www.argos.uz 3.https://t.me/QQR_bantlik