Jaslar menen islesiw, ruwxıylıq hám aǵartıwshılıq bólimi baslıǵı Sobirov Bekzod Nizomboy wǵli begzad.sobirov@inbox.ru tel: (97) 356-68-88

   Ruwxıylıq hám aǵartıwshılıq bólimi universitette alıp barılatuǵın ruwxıy-aǵartıwshılıq jumıslarǵa basshılıq etiw, tarawǵa tiyisli normativ hújjetlerde belgilengen kórsetpelerdi muwapıqlastırıw, bólimler, jámiyetlik shólkemler hám kafedralardıń ruwxıylıq tarawındaǵı tájiriybelerdi ulıwmalastırıw, zárúr ilimiy-metodikalıq usınıslar, ádebiyatlar tayarlaw hám baspadan shıǵarıw, studentlerdiń ruwxıy dúnyaqarasın jetilistiriwge qaratılǵan túrli ilajlardı ámelge asırıw maqsetinde dúziledi. 

Ulıwma qaǵıydalar

• Bólim universitet direktorınıń buyrıǵı tiykarında dúziledi;
• Bólimniń isshi toparı universitettiń usı taraw boyınsha jetekshi qánigeleri, professor-oqıtıwshılar hám xızmetkerlerden shólkemlestiriledi;
• Bólim ruwxıylıq hám aǵartıwshılıq isleri boyınsha direktor orınbasari basshılıǵında jumıs alıp baradı;
• Óz jumısların jolǵa qoyıwda bólim fakultet dekanları, bólim baslıqları, kafedra baslıqları hám topar basshıları menen birgelikte jumıs alıp baradı;
• Joqarı hám orta arnawlı bilim ministrligi janındaǵı Ruwxıylıq hám aǵartıwshılıq bóliminiń nızamı tiykarında jumıs alıp baradı; Usı jıldaǵı hám keleshektegi rejelerine iye boladı.

Bólimniń maqseti:

   Student-jaslardı milliy hám ulıwma insanıy qádiriyatlarǵa sadıqlıq ruwxında tárbiyalaw, olardıń ruwxıy, estetikalıq, ádep-ikramlılıq dúnyaqarasın keńeytiw, olardıń sanasın hár túrli zıyanlı ideyalar tásirinen qorǵaw hám de ǵárezsiz Ózbekstannıń haqıyqıy pidayısı bolıp jetistiriwden ibarat.

Bólimniń wazıypaları:

• Mámleketimizde ámelge asırılıp atırǵan ruwxıy, mádeniy jumıslarǵa baylanıslı ilajlardı ótkeriw;
• Student-jaslar arasında ádep-ikramlılıq, estetikalıq, siyasiy, huqıkıy, kórkem tárbiyanı qáliplestiriw jumısların jolǵa qoyıw;
• Milliy úrp-ádetler, qádiriyatlar negizinde alıp barılıp atırǵan ánjumanlar, sáwbetlesiwler, ushırasıwlar shólkemlestiriw:
• Studentlerdiń ruwxıy hám fizikalıq jaqtan qáliplesiwin joqarılatıw maqsetinde islenetuǵın jumıslardı jetilistiriwge kómeklesiw;
• Filialda ruwxıy-aǵartıwshılıq tárbiyalıq jumıslardıń jónelislerin belgilew, olarǵa zárúr normativ hújjetler hám usınıslar islep shıǵıw;
• Respublikalıq ruwxıy-aǵartıwshılıq orayınıń qala, rayonlıq bólimleri hám de mámleketimizde xızmet kórsetip atırǵan fondlar, jámiyetlik shólkemler menen birgelikte ruwxıy-aǵartıwshılıq jumısların jetilistiriwde qatnasıw.

Bólimniń huqıqları:

• Fakultetlerdegi ruwxıy-aǵartıwshılıq jumısların qadaǵalaw;
• Ruwxıy-aǵartıwshılıq jumıslarına baylanıslı ministrlik buyrıqları hám kórsetpeleriniń fakultetlerdegi orınlanıwın tekseriw;
• Dekannıń ruwxıy-aǵartıwshılıq isleri boyınsha dekan orınbasarların saylaw hám de wazıypalardan azat qılıwǵa baylanıslı jıynalıslarda turaqlı túrde óz usınısları menen qatnasadı;
• Ruwxıy-aǵartıwshılıq máseleler boyınsha fakultet dekanları hám kafedra baslıqlarına kórsetpeler, usınıslar beredi;
• Professor-oqıtıwshılardıń jıllıq oqıw júklemelerinde «Ruwxıy-aǵartıwshılıq jumıslar» tarawına tiyisli bántiniń tolıq orınlanıwın qadaǵalaydı hám bahalap baradı;
• Ruwxıy-aǵartıwshılıq isler boyınsha dekan orınbasarları alıp baratuǵın jumıslar boyınsha hár semestr juwmaǵında bólim baslıǵına esabat beredi;
• Ruwxıy-aǵartıwshılıq jumısların jetilistiriwde jaqsı baslama kórsetken fakultet, bólim hám kafedra jámááti belsendilerin ruwxıy hám materiallıq jaqtan xoshametlewge usınıslar beredi.