Ózbekstan Respublikası Prezidentiniń 2020-jıl 30-oktyabr kúngi «Salamat turmıs tárizin keń úgit-násiyatlaw hám ǵalaba sport túrin jánede rawajlandırıw is-ilajlar haqqında»ǵı Pármanınıń orınlanıwın támiyinlew, jaslar arasında dene tárbiya hám sporttı keń en jaydırıw, háwesker sportshılar arasında tájiriybe almasıw hám eń kúshli háwesker sportshılardı anıqlaw maqsetinde Ózbekstan mámleketlik dene tárbiyası hám sport universiteti Nókis filialı student-jasları arasında qánigelikler boyınsha «Dene tárbiyası teoriyası hám gumanitar pánler» kafedrası professor-oqıtıwshısı Aziz Utepovtıń shólkemlestiriwinde filial direktorı kubogi ushın “Workout” sport túrinen oraylıq «Turan» stadionında jarıs bolıp ótti.

Qızǵın bellesiwlerge bay tárizde bolıp ótken jarıs sońında 1-orındı «Jeńil atletika» hám «Dzyu-do» qánigeliginiń studentleri iyelegen bolsa, 2-orındı «Badminton» qánigeligi hám 3-orındı «Mektepke shekemgi baslanǵısh tálimde dene tárbiyası hám sport» qánigeliginiń studentleri iyeledi.

Jarıs sońında jeńimpazlar filial basshılıǵı tárepinen tayarlanǵan Diplom hám estelik sawǵaları menen sıylıqlandı.

Filial Baspasóz xızmeti.