Usı jıldıń 15-sentyabr sánesinen 15-oktyabr kúnleri aralıǵında elimizde “Órtten saqlıq” ulıwma milliy kampaniyası aylıǵı dep járiyalanǵan edi.

Usı aylıq sheńberinde Ózbekstan mámleketlik dene tárbiyası hám sport universiteti Nókis filialında Nókis qalalıq ayrıqsha jaǵdaylar bólimi qánigesi studentler menen ushırasıw ótkerdi.

Ushırasıwda taraw qánigeleri tárepinen órtlerdiń kelip shıǵıw sebepleri, iyis gazinen záhárleniw jaǵdayları, iyis gazin sezgende birinshi bolıp ne islewi zárúrligi, órt júz bergende qanday háreketleniw kerekligi hám birinshi náwbette belgilengen tártipte qısqa telefon nomerlerine qońıraw etip xabar beriwleri shárt ekenligi haqqında túsinikler berip ótti.

Filial Baspasóz xızmeti.