Ózbekstan mámleketlik dene tárbiyası hám sport universiteti Nókis filialında professor-oqıtıwshılar, tyutorlar hám studentler qatnasında «Jawızlıqqa qarsı – aǵartıwshılıq penen gúres» hám «Insan qádiri hám din huqıqlarınıń ústinligi rawajlanıw tiykarı» atamasında ushırasıw bolıp ótti.

Ilajdı Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı G.Xojametov kiris sóz benen ashıp berdi.

Soń Din isleri boyınsha komitetiniń Qaraqalpaqstan Respublikası aymaqlıq basqarmasınıń bas qánigesi N.Jamalov sózge shıǵıp, ol óz sózinde házirgidey rawajlanıp baratırǵan internet tarmaqlarınan durıs hám jaqsı maqsetlerde paydalanıw zárúrligin, jawızlıqqa qarsı aǵartıwshılıq penen qarsı gúresiw eń durıs jol ekenligi hám elimizde insan qádiri hámme nárseden ústin ekenligine ayrıqsha toqtap ótti.

Bunnan soń sóz alǵan filialdıń profilaktika inspektorı, kapitan R.Ismaylov hám taǵı basqalarda ilaj qatnasıwshıların búgingide elimizdegi tınıshlıqtıń qádirine jeriw kerekligin hám hár qıylı jawız niyetli aǵımlardan awlaq bolıwǵa shaqırdı.

Filial Baspasóz xızmeti.