Filial studentleri Berdaq atındaǵı qaraqalpaq mámleketlik akademiyalıq muzıkalıq teatrı saxnasında tamashagóyler názerine usınılıp atırǵan «Aralım meniń» monooperasın tamashaladı.

Bir aktli, tórt kartinalı drama. onda shayırdıń názik tábiyatı menen Aral teńiziniń tragediyasın qosıp jetkeredi. Bas qaharmannıń ishki dártleri dawıs tolqınlarında beriliwi, qosıq teksti, solistiń dawısı tınıq esitiledi. Orkestr muzıkaları janǵa jaǵımlı. Hár bir sazende shayır ishki tolqını menen Aral dártin názik jetkerdi.

Opera bastan aqırına monolog formasında bolǵanı menen onda qatnasıwshı massalıq oyınlar hám xor jámáátiniń qátnasıwı dialog formasına jaqınlasadı.

Opera sońında Araldıń qaytıwına umit baǵshlaǵan muzıka tamashagóylerde jaqsı tásirler qaldırdı.

Filial Baspasóz xızmeti.