«Márifat taratıp» joybarı sheńberinde «Qaraqalpaqstan xalıq shayırı», «Qaraqalpaqstan Respublikasına miyneti sińgen jurnalist» «Ózbekstan xalıq jazıwshısı» hám Qaraqalpaqstan Jazıwshılar awqamı baslıǵı Keńesbay Karimov, shayır, qıssaxan hám jurnalist Xalila Dawletnazarov hám «Ózbekstanda xızmet kórsetken mádeniyat xızmetkeri», shayır Bobur Bobomurodlar Ózbekstan mámleketlik dene tárbiyası hám sport universiteti Nókis filialında miymanda boldı.

  Miymanlardı Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetov saltanatlı túrde kútip aldı hám olardı filialdıń ishki imkaniyatları menen jaqınnan tanıstırdı. Tanısıw barısında miymanlar Málimleme-resurs orayına ózleriniń qálemine tiyisli dóretpeleri jámlengen kitapların tapsırdı hám «Zakawat» intellektual oyınında qatnasıp atırǵan studentler menen ushırasıp olarǵa tabıslar tiledi hám hár bir studentke kitap penen dos bolıwǵa shaqırdı. Sonday-aq, kitap oqıǵan insannıń kóz qarası keń, ruwxıy dúnyası bay bolatuǵınlıǵın ayrıqsha atap ótti.

Joybar sheńberinde miymanlar filialda bilim alıp atırǵan student-jaslar menen ushırastı. Ushırasıw barısında jazıwshı, shayır, qıssaxan hám jurnalistler studentlerge ózleriniń dóretpeleri, hár bir shıǵarmasınıń dóretiliw tariyxı, ózleriniń ómiri hám miynet jolı, dóretiwshi insanlarǵa húkimetimiz tárepinen kórsetilip atırǵan itibar, jaratılǵan sharayatlar haqqında túsinikler berip ótti.

Ushırasıw barısında studentler ózlerin qızıqtırǵan sorawlarına juwaplar aldı.

Filial Baspasóz xızmeti.