Usı jıldıń 25-oktiyabr kúni Belarus milliy texnika universiteti “Texnika, texnologiya hám ekonomikanı rawajlandırıwdıń jańa baǵdarları boyınsha qánigelerdiń mamanlıǵın arttırıw hám qayta tayarlaw institutı” filialı direktorı Denis Aleksandrovich Konopatckiy Ózbekstan mámleketlik dene tárbiyası hám sport universiteti Nókis filialında boldı.

Miymanlardı Ózbekstan mámleketlik dene tárbiyası hám sport universiteti Nókis filialı direktorı, professor Erimbetov Bayrambay Karlıbaevich kútip aldı.

Dáslep, eki joqarı oqıw ornı arasında birge islesiwdi elde rawajlandırıw boyınsha sáwbetlesiw alıp barıldı. Sáwbetlesiw barısında Ózbekstan mámleketlik dene tárbiyası hám sport universiteti Nókis filialı hám Belarus milliy texnika universiteti “Texnika, texnologiya hám ekonomikanı rawajlandırıwdıń jańa baǵdarları boyınsha qánigelerdiń mamanlıǵın arttırıw hám qayta tayarlaw institutı” filialı arasında xalıqaralıq, bilimlendiriw, ilim hám sport tarawında, studentler, ilimiy xızmetkerler, oqıtıwshılardıń tájiriybe almasıw, xalıqaralıq joybar hám baǵdarlamalarda birge islesiw boyınsha óz-ara Memorandum dúzildi.

Filial Baspasóz xızmeti.