Ózbekstan mámleketlik dene tárbiyası hám sport universiteti Nókis filialı student qızları qatnasında 11-oktiyabr xalıq-aralıq qızlar kúni múnásibeti menen filialdıń student qızları arasında 7-oktiyabr kúni “Zakawat” intellektual oyını bolıp ótti.

Intellektual oyındı «Sport túrleri» fakulteti hayal-qızlar másláhátshisi T.Jumaniyazova ashıp berdi hám ol óz sózinde bul sáne haqqında keń túrde maǵlıwmatlar berip ótti. Sonday-aq, filial student qızları arasınan dúzilgen komanda aǵzalarına tabıslar tiledi.

Qızǵın bellesiwlerge bay tárizde bolıp ótken oyın juwmaǵında 1-orındı «Aktivler» komandası, 2-orındı «Everest» komandası hám 3-orındı «Tumaris» komandası aǵzaları iyeledi. Jeńimpaz komanda aǵzaları shólkemlestiriwshiler tárepinen Diplom hám estelik sawǵaları menen sıylıqlandı.

Filial Baspasóz xızmeti.