Filial studentleriniń ilimiy potencialın arttırıw, ilimge bolǵan qızıǵıwshılıǵın kúsheytiw, jáne olar arasınan eń bilimli hám ziyrek studentlerdi anıqlaw maqsetinde «Ziyrek studentlerdiń ilimiy-izertlew iskerligin shólkemlestiriw» bólimi hám “Dene tárbiyası teoriyası, gumanitar hám tábiyiy pánler” kafedrası menen birgelikte “Dene tárbiyası hám olimpiada háreketi tariyxı” páninen test túrinde pán olimpiadası ótkeriledi.

Onda filial studentleri ózleriniń bilim hám ziyrekligin sınnan ótkerdi. Bilimliler ishinen bilimlisin anıqlaytuǵın bul test túrinde ókerilgen pán olimpiadasında 1-orındı “Júziw” baǵdarı 4-kurs studenti Satbayeva Azada, 2-orındı “Shaxmat” baǵdarı 2-kurs studenti Muratov Janbolat, 3-orındı “Dzyudo” baǵdarı 4-kurs studenti Kaipnazarova Janna hám “Kórkem gimnastika” baǵdarı 4-kurs studenti Abatbaeva Barnolar iyeledi.

Qatnasıwshılar arasınan sıylı orınlardı iyelegen jeńimpazlarǵa filial direktorı, professor Bayrambay Erimbetov erisken nátiyjeleri menen qutlıqladı hám Húrmet jarlıqları menen Voucherlerin tapsırdı.

Filial Baspasóz xızmeti.