Búgin Ózbek tiline mámleketlik til biyligi berilgenine 36 jıl toldı. Usı múnásibet penen Ózbekstan mámleketlik dene tárbiyası hám sport universiteti Nókis filialında «Qádiriń bálent bolsın, ana tilim» atamasında ádebiy keshe bolıp ótti.

Bayram keshesin filial direktorı, professor Bayrambay Erimbetov kiris sóz benen ashıp berdi hám jıynalǵanlardı bayram menen qutlıqlap, ózbek tiliniń áhmiyetine toqtap ótti.

Soń sózge shıqqanlar ózbek tiliniń tartımlılıǵın, onıń dúnya júzi xalıqları arasında tutqan ornı hám keleshek áwladtı ana tiline húrmet ruwxında tárbiyalaw, tildiń statusın hám abırayın kóteriw baǵdarında islengen jumıslar haqqında bayanatlar jasadı.

Ilaj sheńberinde Málimleme-resurs orayı tárepinen kitaplar kórgizbeside shólkemlestirildi.

Bayram filial studentleri tárepinen tayarlanǵan koncert baǵdarlaması menen dawam etti.

Filial Baspasóz xızmeti.