Búgin Ózbekstan mámleketlik dene tárbiyası hám sport universiteti Nókis filialı májilisler zalında filial professor-oqıtıwshıları qatnasında májilis bolıp ótti.

Májilisti filial direktorı, professor B.Erimbetov kiris sóz benen ashıp, kún tártibindegi másele boyınsha qatnasıwshılardı tanıstırıp ótti hám basqarıp bardı.

Soń Ózbekstan mádeniyat sport hám turizm xızmetkerleri kásiplik awqamı Qaraqalpaqstan Respublikası birlesken komiteti baslıǵı  J.Ayapov sózge shıǵıp, ol óz sózinde kásiplik awqamı haqqında qatnasıwshılarǵa keń túrde maǵlıwmat berip ótti.

Kún tártibindegi másele boyınsha Ózbekstan mámleketlik dene tárbiyası hám sport universiteti Nókis filialı Kásiplik awqamı baslıǵı Raxmetullaev Baqbergen Qıdırniyazovich densawlıǵına hám basqa jumısqa ótiwine baylanıslı iyelep turǵan lawazımınan azat etildi hám dawıs beriw jolı menen filialı Kásiplik awqamı baslıǵı lawazımına «Jeke gúres» kafedrası professor-oqıtıwshısı, pedagogika ilimleri boyınsha filosofiya doktorı (PhD)  Primbetov Azamat Auesbaevich saylandı.

Filial Baspasóz xızmeti.