Ózbekstan mámleketlik dene tárbiyası hám sport universiteti Nókis filialında usı jıldıń 16-20-oktiyabr kúnleri aralıǵında «Kreativ bilimlendiriw hám innovaciya — Jańa Ózbekstan rawajlanıwınıń tiykarı» súreni astında ótip atırǵan “INNOWEEK-2023” innovaciyalíq ideyalar hápteligine start berilgen edi.

Búgin usı háptelik sheńberinde filialda professor-oqıtıwshıları hám student-jaslarınıń ilimiy miynetleriniń kórgizbesi shólkemlestirildi.

Shólkemlestirilgen kórgizbeni filial direktorı, professor B.Erimbetov kiris sóz benen ashıp berdi hám bul háptelikti ótkeriwden tiykarǵı maqseti hám áhmiyetine toqtalıp ótti.

Kórgizbe barısında studentler professor-oqıtıwshılardıń hám óz teńlesleriniń ilimiy miynetleri menen jaqınnan tanıstı.

Háptelik sheńberinde shólkemlestirilip atırǵan bunday ilajlar student-jaslardıń ilimge bolǵan qızıǵıwshılıǵın asırıwǵa xızmet eteri anıq.

Filial Baspasóz xızmeti.