Húrmetli filial miynet jámááti aǵzaları hám student-jaslar!

Kúnlerdiń suwıtıp gúz-qıs máwsiminiń baslanıwı menen úylerimizdi ısıtıw maqsetinde jılıtıw úskenelerine zárúrlik sezemiz. Álbette, jılıtıw úskenelerin qosıwdan aldın olardı bir qatar kórikten ótkerip alǵanımız maqsetke muwapıq boladı. Sebebi, bul arqalı biz, júz beriwi múmkin bolǵan hár qanday kewilsiz hádiyselerdiń aldın alǵan bolamız.

Húrmetli filial miynet jámááti aǵzaları hám student-jaslar!

Tómendegi jaǵdaylar iyis gaziniń payda bolıp atırǵanınan derek beredi:

– Qazanxana (kotyol) morılarınıń tıǵılıp qalıwı;

-Tábiyiy gazdiń sarǵısh reńde janıp turıwı (normada kók reńde janıwı kerek)

-Xanalardıń joqarǵı bóleginiń qarawtıp ıs basıwı;

-Xanaǵa kirgende bastıń awırıwı, kewildiń aynıwı, hárekettiń awırlasıp, erinshekliktiń kúsheyiwi, kóz jaslanıw, qurǵaq jótel hám deneniń kókirek bóliminde awırıwdıń payda bolıwı iyis gazinen záhárlenip atırǵanlıǵınan derek beredi.

Bunday jaǵdaylardı sezseńiz shrpı, svetlerdi jaqpastan dárhal ayna, qapılardı ashıp xanalarıńızdı samalatıwdı umıtpań.

Iyis gazinen záhárleniw insan densawlıǵınıń buzılıwına yaǵnıy, koma jaǵdayına túsip qalıwına, hátteki, ólimgede alıp keliwi múmkin.

Húrmetli filialdıń miynet jámááti aǵzaları hám student-jaslar qáwipsizlik qaǵıydalarına qatań ámel etiń. Ómirińiz hám densawlıǵıńızǵa itibarsız bolmań!

Ózbekstan mámleketlik dene tárbiyası hám sport universiteti Nókis filialı administraciyası.

Filial Baspasóz xızmeti.