Usı jıldıń 11-aprel kúni Ózbekstan Respublikası Prezidenti Shavkat Mirziyoevtiń basshılıǵında «Jaslar siyasatı tarawındaǵı jumıslardıń nátiyjeliligin arttırıw ilajları boyınsha» videoselektor májilisi bolıp, onda tiyisli ministrlik hám shólkem basshılarına jaslardıń bántligin támiyinlew, olardıń mashqalaların úyreniw hám onı sheshiwge járdemlesiw boyınsha bir qatar tapsırmalar berilgen edi.

 Májiliste kóterilgen máselelerden kelip shıǵıp Ózbekstan mámleketlik dene tárbiyası hám sport universiteti Nókis filialı direktorı, professor Erimbetov Bayrambay Karlıbaevichke Ellikqala rayonında jasawshı 22 waqıtsha jumıssız hám mayıplıǵı bolǵan jaslar biriktirildi.

 Búgin filial direktorı, professor B.Erimbetov ózine biriktirilgen ellikqalalı jaslardıń hal-jaǵdaylarınan xabar aldı hám «Qabatqala» mákan puqaralar jıyını aymaǵınada jasawshı E.Yusupovqa 1 million sum materiallıq járdem pulı berildi. 

 Maǵlıwmat ornında, usı kúnge shekem filial tárepinen rayondaǵı «Aqshakól», «Qabatqala», «Shopan», «Istiqlol» hám «Tashkent» mákan puqaralar jıyını aymaǵınada jasawshı sociallıq járdemge mútáj 1 jasqa zamanagóy elektromayıplıq arbashası, 1 tigiw mashinası, altawına 2,5 mln sumnan materiallıq járdem pulı hám 10 jasqa zamanagóy kompyuter toplamları berilgen edi.

 Filial Baspasóz xızmeti.