Malayziyanıń Kuala-Lumpur qalasında ótkerilip atırǵan “QS Higher Education Summit Asia Pacific 2023” sammiti sheńberinde QS reyting shólkemi Aziya universitetleriniń 2024-jıl ushın reyting (QS Asia University Rankings 2024) nátiyjelerin járiyaladı. Quwanıshlısı onda jáne bir márte Berdaq atındaǵı Qaraqalpaq mámleketlik universiteti Aziyanıń TOP 1000 lıqtaǵı eń kúshli universitetleri qatarınan orın aldı.

Sońǵı jılları mámleketimiz tárepinen bilimlendiriw tarawına ayrıqsha itibar qartılmaqta. Ásirese Joqarı bilimlendiriwge qaratılıp atırǵan itibar nátiyjesinde búgingi kúnde JOOlar joqarı kórsetkishlerge erispekte. 2030-jılǵa shekem joqarı oqıw orınlarınıń dúnyanıń TOP-1000 lıqtaǵı dizimine kirgiziwde bul reytinglerden orın iyelew áhmiyetli esaplanadı.

Maǵlıwmat ushın; 2024-jılda Aziyanıń eń jaqsı joqarı oqıw ornıları “QS Aziya universitetleri reytingi 2024” diziminde Ózbekstan Respublikasınıń 6 aymaǵınan 14 joqarı oqıw ornı bul reytingten orın iyelegen bolsa, Sonnan, Qaraqalpaqstan Respublikasınan Berdaq atındaǵı Qaraqalpaq mámleketlik universiteti Aziyanıń TOP 1000 lıqtaǵı universitetleri qatarınan orın aldı.

Oraylıq Aziya mámleketleri arasında Ózbekstan JOO ları professor -oqıtıwshılarınıń birinshi hám ekinshi kvartalda ilimiy jurnallarda baspadan shıqqan ilimiy maqalaları boyınsha ámeldegi kórsetkishlerine bola, ilimiy-izertlewler rawajlanıwı, baspa belsendiligin xoshametlew hám ilimiy maqala jazıw ilimiy tájriybelerin asırıw arqalı JOOlarınıń xalıq aralıq reytinglerdegi ornın bekkemlew baǵdarında ámelge asırılıp atırǵan sistemalı ilajlar áhmiyetli orın tutpaqta. Joqarı oqıw orınlarınıń bunday xalıq aralıq abıraylı reytinglerdegi ornı, olardıń abırayın asırıp, dúnya universitetleri -qatarında óz-ara básekilikti támiyinleydi.

Derek: karsu.uz