Ózbekstan mámleketlik dene tárbiyası hám sport universiteti Nókis filialında student-jaslar menen «Biz bir mámlekette jasap atırǵan bir xalıqpız» atamasında ushırasıw bolıp ótti.

 Ushırasıwdı filialdıń Jaslar menen islesiw, ruwxıylıq hám aǵartıwshılıq isleri boyınsha bólimi baslıǵı B.Sabirov ashtı hám kelgen miymanlar menen tanıstırıp ótti.

 Soń Ózbekstan Respublikası Din isleri boyınsha komiteti Qaraqalpaqstan Respublikası aymaqlıq basqarmasınan kelgen qánigeler elimizde tınıshlıq hám turaqlılıqtı támiyinlew, ulıwma insanıylıq qádiriyatlarımızǵa húrmet penen qaraw, mámleketler hám xalıqlar arasında doslıq qatnasıqların ornatıw, milletleraralıq qatnasıqlardı bekemlew, xalıqaralıq birge islesiw hám shet el mámleketleri menen doslıq baylanısların rawajlandırıw, Ózbekstannıń xalıqaralıq maydandaǵı abroyın hám imedjin xalıqaralıq maydanda keńeytiw boyınsha alıp barılıp atırǵan ilajlar haqqında keń túrde túsinikler berip ótti.

A.Ganieva,

QMU studenti.