Jaslarǵa baylanıslı mámleketlik siyasattı jetilistiriw boyınsha Ózbekstan mámleketlik dene tárbiyası hám sport universiteti Nókis filialında ámelge asırılıp atırǵan social-ekonomikalıq jumıslardı keń jámiyetshilikke jaqınnan tanıstırıw maqsetinde ǵalaba xabar quralları wákilleriniń qatnasında Media-tur shólkemlestirildi.

 Dáslep, filialdıń Jaslar menen islesiw, ruwxıylıq hám aǵartıwshılıq bólimi baslıǵı B.Sabirov, Jaslar awqamı baslanǵısh shólkemi jetekshisi I.Djaqsımuratov hám Baspasóz xatkeri M.Tilewbaevlar kishi májilisler zalında ǵalaba xabar quralları wákillerine oqıw ornı, oqıw barısı, bul jerde student-jaslarǵa jaratılǵan imkaniyatlar haqqında qızıqtırǵan sorawlarına juwaplar berip ótti.

 Soń Media-tur sheńberinde ǵalaba xabar quralları wákilleri filialdıń málimleme resurs orayı, laboratoriya, kompyuter xanaları, sport zalları, oraylıq «Turan» stadionı hám studentlerdiń sabaq barısı menen jaqınnan tanıstırıldı.

Filial Baspasóz xızmeti.