Ózbekstan mámleketlik dene tárbiyası hám sport universiteti Nókis filialında Ózbekstan Respublikası Ministrler Kabineti janındaǵı Imom Buxoriy Xalıqaralıq ilimiy-izertlew orayı ilimiy xızmetkerleri J.Jumaev hám S.Abduvoitovlar qatnasında student-jaslar menen “Jawızlıqqa qarsı aǵartıwshılıq” atamasında ushırasıw bolıp ótti.

Ushırasıwdı filial direktorınıń oqıw isleri boyınsha orınbasarı B.Utemuratov kiris sóz benen ashıp berdi hám kelgen miymanlardı ilaj qatnasıwshılarına tanıstırıp ótti.

Soń ilajda sózge shıqqanlar, jámiyetimizde social-mádeniy ortalıqtı qáliplestiriw, diniy keńpeyillikti hám milletlerara tatıwlıqtı bekkemlew, student-jaslar arasında jat illetlerge qarsı immunitetti qáliplestiriw,  jawızlıqqa qarsı gúresiwdiń birden-bir tuwrı jolı kitap oqıw,  bilim alıw ekenligi boyınsha maǵlıwmatlar berdi.

Ushırasıw sońında student-jaslar ózlerin qızıqtırǵan sorawlarına taraw qánigelerinen juwaplar aldı.

Filial Baspasóz xızmeti.