Qıs máwsiminiń baslanıp, kúnlerdiń suwıtıp, jılıtıw úskenelerine bolǵan zárúrliktiń artqanlıǵın inabatqa alǵan halda Ózbekstan mámleketlik dene tárbiyası hám sport universiteti Nókis filialı Jaslar menen islesiw ruwxıylıq hám aǵartıwshılıq bólim baslıǵı B.Sabirov, profilaktika inspektorı R.Ismaylov penen birgelikte ijara shártnaması tiykarında ijara úylerinde jasap oqıp atırǵan studentlerdiń jaǵdaylarınan xabar aldı.

 Xabar alıw barısında studentlerdiń jasaw jaǵdayların úyrenip shıqtı hám olar menen tálim-tárbiya máseleleri boyınshada sáwbetlesti.

 Sonıń menen birge jılıtıw úskenelerinen paydalanǵanda itibarlı bolıw kerekligi boyınsha túsindiriw jumısların alıp bardı. Sonıda ayrıqsha atap ótiw orınlı, olar qosımsha úy iyeleri menen qol telefonları arqalı baylanısıp ol jerde jasawshı studentlerdiń minez-qulqı, tártibi haqqında maǵlıwmatlar aldı.

Sonday-aq, úy iyeleriniń úyinde ijara shártnaması tiykarında ijarada jasap atırǵan studentdiń ústinen múrájáát yaki arzı bolsa dárhál filial basshılarına yaki bolmasa profilaktika inspektorına xabar beriw kerekligi boyınsha túsinikler berip ótti.

Filial Baspasóz xızmeti.