Qaraqalpaqstan saylandı komandasına kúshli sportshılardı tańlap alıw hám 2024-jılı Tashkent qalasında ótkeriletuǵın Ózbekstan chempionatına qatnasıw ushın Nókis qalasındaǵı 1-sanlı Balalar hám jas óspirimler sport mektebinde barlıq qala hám rayonlardıń sportshıları qatnasında sporttıń jeńil atletika túrinen Qaraqalpaqstan Respublikası chempionatı bolıp ótken edi.

Onda Ózbekstan mámleketlik dene tárbiyası hám sport universiteti Nókis filialı studentleride qatnastı. Olar arasınan juwırıp kelip uzınlıqqa sekiriw boyınsha 1-orın «Mektepke shekemgi baslawısh tálimde dene tárbiyası hám sport» qánegeliginiń 3-kurs studentleri Muxammediyar Kalenderov, 2-orın Jumanazar Maqsetbaev hám 3-orındı «Jeńil atletika» qánigeliginiń 3-kurs studenti Zoirjon.Abdullayevlar iyeledi.

Bir jerde turıp yadro laqtırıwdan 1-orın «Jeńil atletika» qánigeliginiń 3-kurs studenti Amangeldi Allambergenov, 2-orın «Jeńil atletika» qánigeliginiń 1-kurs studenti Arman Ongarbaev hám 3-orın «Jeńil atletika» qánigeliginiń 1-kurs studenti Musa Madreymovlarǵa nesip etti.

Filial Baspasóz xızmeti.