Ózbekstan Respublikası Prezidenti basshılıǵında usı jıldıń 22-dekabr kúni ótkerilgen Respublika ruwxıylıq hám aǵartıwshılıq keńesiniń keńeytirilgen jıynalısında Ruwxıylıq, aǵartıwshılıq, mádeniyat, kórkem-óner hám dóretiwshilik baǵdarındaǵı ámelge asırılıp atırǵan reformalardıń nátiyjeliligi hám aldaǵı áhmiyetli jónelislerin belgilew wazıypası belgilengen edi.

Usı jıynalısta belgilengen áhmiyetli wazıypalardıń mazmun-mánisin keń túrde úgit-násiyatlaw maqsetinde Respublika Ruwxıylıq hám aǵartıwshılıq orayı Nókis qalalıq bólimi qánigeleri menen birgelikte Ózbekstan mámleketlik dene tárbiyası hám sport universiteti Nókis filialı miynet jámááti aǵzaları qatnasında májilis bolıp ótti.

Májilisti filial direktorı, professor B.Erimbetov kiris sóz benen ashıp berdi hám basqarıp bardı.

Soń tiyisli taraw qánigeleri filialdıń miynet jámááti aǵzalarına Respublika ruwxıylıq hám aǵartıwshılıq keńesiniń keńeytirilgen jıynalısında belgilengen wazıypalardıń áhmiyeti haqqında keń túrde túsinikler berip ótti.

Filial Baspasóz xızmeti.