Ózbekstan Respublikası Ministrler Kabinetiniń 2020-jıl 31-yanvar kúni «Joqarı bilimlendiriw mákemeleri studentlerine tólenetin stipendiyalar muǵdarların belgilew hám stipendiyalar tayınlaw hám tólew tártibin jetilistiriw is-ilajları haqqında»ǵı 59-sanlı qararı qabıl etilgen edi.

– Usı qarar tiykarında oqıw semestiri juwmaǵı boyınsha pánlerden ózlestiriw kórsetkishi 30 payız hám onnan artıq bólimi (qanatlandırarlı) baha (reytining kórsetkishi – 71 balldan kem) bolǵan mámleketlik grant tiykarında bilim alıp atırǵan studentlerge keyingi oqıw semestri dawamında stependiya tólenbeydi;

– oqıw semestri juwmaǵı boyınsha pánlerdi «joqarı» ózlestiriw kórsetkishlerine (reyting kórsetkishi – 86 ball hám onnan joqarı) iye bolǵan studentlerdiń stipendiyası bazablıq stipendiyaǵa salıstırmalı 20 payızǵa eselengen halda tólenedi;

– tólemli-kontrakt tiykarında oqıp atırǵan 1 hám 2-topar mayıplıǵı bolǵan hám tolıq mámleket qaramaǵında bolǵan jetim balalar hám ata-ana qaramaǵınan ayırılǵan balalar qatarına kiriwshi studentlerge stipendiya tólemleri Ózbekstan Respublikası respublikalıq byudjet qarjıları esabınan ámelge asırıladı;

– talantlı, ayrıqsha qábiletke iye, jámiyetlik jumıslarda belsene qatnasıp júrgen, sonday-aq, sociallıq qorǵawǵa mútáj mámleketlik grantı hám tólemli-kontrakt tiykarında bilim alıp atırǵan barlıq studentler belgilengen stipendiyaǵa salıstırmalı Qor esabınan qosımsha 50 payızǵa shekem xoshametlenedi dep kórsetilgen.

Filial Baspasóz xızmeti.