Ózbekstan mámleketlik dene tárbiyası hám sport universiteti Nókis filialında búgingi kúnde «Studentler úyi»niń joqlıǵı sebepli studentlerdiń basım kópshiligi ijara shártnaması tiykarında ijara úylerinde jasap bilim almaqta.

 Kúnlerdiń suwıtıp jılıtıw úskenelerine bolǵan talaptıń artqanlıǵın inabatqa alǵan, filial administraciyası ijarada jasap atırǵan studentlerdiń úylerinde júz beriwi múmkin bolǵan órt hám iyis gazinen záhárleniwdiń aldın alıw maqsetinde «Sport túrleri» fakulteti dekanı, dekan orınbasarı, tyutorları hám Qaraqalpaqstan Respublikası Ayrıqsha jaǵdaylar basqarması kishi serjantı N.Bekmuratov penen birgelikte ijara úylerinde jasap atırǵan studentlerdiń jaǵdaylarınan xabar almaqta.

 Úyreniwler barısında studentlerge gaz hám jılıtıw úskenelerinen paydalanǵanda nelerge itibar beriw kerekligi haqqında túsindiriw jumısların alıp barmaqta.

 Egerde, xanasında gaz iyisin sezgende qalay háreket etiw kerekligi hám basqarmanıń qısqa nomerlerine xabar beriwleri kerekligi haqqında maǵlıwmatlar bermekte.

Filial Baspasóz xızmeti.