Ózbekstan mámleketlik dene tárbiyası hám sport universiteti Nókis filialı respublikamızda sport tarawındaǵı tar sheńberdegi joqarı maǵlıwmatlı kadrlardı tayarlap beretuǵın joqarı oqıw orınlarınıń biri esaplanadı.

  Házirgi kúnde filialda jigirma qánigelikte jámi 1061 student bilim almaqta. Olardıń sabaq barısında hám sabaqtan tısqarı waqıtları tıyanaqlı bilim alıwları hám turaqlı túrde shınıǵıwlar alıp barıwları ushın jeterli imkaniyatlar jaratılǵan hám jaratılmaqta.

 Ulıwma bilim beriw mekteplerinde bilim alıp atırǵan sportqa qızıǵatuǵın hám sport penen turaqlı shuǵıllanıp jaqsı nátiyje kórsetken pitkeriwshi klass oqıwshıların Ózbekstan mámleketlik dene tárbiyası hám sport universiteti Nókis filialına oqıwǵa qamtıp alıw maqsetinde filial professr-oqıtıwshıları qala hám rayonlardaǵı mekteplerde úgit-násiyat jumısların alıp barmaqta.

 Úgit-násiyat jumıslarında filial professor-oqıtıwshıları elimizde sport tarawın rawajlandırıw baǵdarında qabıl etilip atırǵan Prezident pármanları, húkimetlik qarar hám biylikler menen mektep oqıwshıların jaqınnan tanıstırıw menen birgelikte oqıw ornında jaratılǵan imkaniyatlar, qánigelikler hám tálim alıp atırǵan studentlerdiń erisken tabısları menen jaqınnan tanıstırmaqta.

Filial Baspasóz xızmeti.