Ájiniyaz Qosıbay ulınıń 200 jıllıǵına arnap Ózbekstan mámleketlik dene tárbiyası hám sport universiteti Nókis filialı studentleri arasında «Ádebiyat bostanı» atamasında soraw-juwap viktorinası ótkerildi.

  Studentlerdiń bos waqıtların mazmunlı ótkeriw, olardıń kitap oqıwǵa bolǵan qızıǵıwshılıǵın arttırıw hám ruwxıy dúnyasın bayıtıw maqsetinde shólkemlestirilgen viktorinada filial málimleme resurs orayı janında shólkemlestirilgen «Kitapqumarlar dógeregi» aǵzaları óz-ara bellesti.

  Ájiniyaz Qosıbay ulı shıǵarmalarınan dúzilgen sorawlar arqalı studentler óz-ara bilimlerin sınnan ótkerdi.

 Viktorina juwmaǵında 1-orındı “Ellerim bardı”, 2-orındı “Megzer” hám 3-orındı “Bozataw” toparı aǵzaları iyeledi hám olar Diplom menen sıylıqlandı.

 Soraw-juwap viktorinası filial Málimleme resurs orayı hám Jaslar awqamı baslanǵısh shólkem jetekshisi tárepinen shólkemlestirildi.

Filial Baspasóz xızmeti.