Pútkil elimiz boylap úsh kún dawam etken “Abat hám payızlı máhálle – elimiz kórki” súreni tiykarında ótkerilgen ulıwma xalıqlıq qayırqomlıq shembiliginde Ózbekstan mámleketlik dene tárbiyası hám sport universiteti Nókis filialı miynet jámááti aǵzaları hám student-jasları tárepinen belgilengen orınlarǵa 182 túp miyweli hám sayamanlı dekorativ terek nálleri hám gúller otırǵızılıp, 354 túp tereklerdiń kereksiz shaqaların tártipke keltirip túplerin aqlaw jumısların alıp bardı.

 Sonday-aq, 3,2 kilometir aralıqtaǵı lotok hám salmalar tazalanıp 3 000 mıń tonna turmıslıq hám qurılıs shıǵındıları arnawlı mashinalar járdeminde belgilengen shıǵındı taslaw orınlarına shıǵarıp taslandı.

 Usınıń nátiyjesinde filialı miynet jámááti aǵzaları hám student-jasları tárepinen 5,1 gektar jer maydanları kereksiz shıǵındılarınan tazalanıp kóklemzarlastırılıp abadanlastırıwǵa erisildi.

 Úsh kún dawamında alıp barılǵan bunday qayırlı isler ana tábiyatımızdıń elede kórkeyip jasarıwına tiykar boları anıq.

Filial Baspasóz xızmeti.