Búgin oraylıq «Turan» stadionında respublikamızdaǵı joqarı oqıw orınları studentleri arasında etnosport túrleri boyınsha Ózbekstan mámleketlik dene tárbiyası hám sport universiteti Nókis filialı ashıq birinshiligi bolıp ótti.

Filial ashıq birinshiligin Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov ashıp berdi hám jarıs qatnasıwshılarına tabıslar tiledi.

Jarıs qatnasıwshıları ásirler dawamında xalıq arasında rawajlanıp kiyatırǵan «Qasharman top», «Langa», «Qazan», «Arqan tartıs» hám «Toǵıztas» sıyaqlı milliy háreketli oyınlarınan óz-ara bellesti.

Etnosport túrlerin xalqımız arasında keńnen en jaydırıw maqsetinde ótkerilgen jarıs juwmaǵında komandalıq esapta 1-orın Ózbekstan mámleketlik dene tárbiyası hám sport universiteti Nókis filialı, 2-orın Berdaq atındaǵı Qaraqalpaq mámleketlik universiteti hám 3-orın Ájiniyaz atındaǵı Nókis mámleketlik pedagogikalıq institutı komandası aǵzalarına nesip etti.

Jeńimpaz komanda aǵzaları shólkemlestiriwshiler tárepinen Diplom hám estelik sawǵaları menen sıylıqlandı.

Filial Baspasóz xızmeti.