Prezidentimizdiń 115-sanlı qararına tiykar Nókis qalasındaǵı «Turan» stadionın xalıqaralıq standartlarǵa sáykes rekonstrukciyalaw belgilengen.

Stadiondı tolıq rekonstrukciyalaw joybar-smeta hújjetlerine tiykar ulıwma 107,0 mlrd.sumdı quraydı. Bıyılǵı jıldıń investiciya baǵdarlaması sheńberinde 20,0 mlrd. sum qarjı ajratıldı hám qurılıs jumısları baslandı.

Rekonstrukciyalaw dawamında tiykarǵı futbol maydanına qosımsha 2 futbol maydanın qurıw, 154 orınlı jataqxana, oqıw xanaları, asxana, kitapxana, fitnes hám sport zalları, xalıqqa xızmet kórsetiw orınları, avtomashinalar turıw ornın kurıw belgilengen hám bul arqalı stadiondı futbolǵa qánigelestirilgen sport kompleksine aylandırıw rejelestirilmekte.

Stadionnıń qurılıs jumısları juwmaqlanǵannan soń Qaraqalpaqstan Respublikası Futbol akademiyası tárbiyalanıwshıları stadionǵa kóshirip ótkeriledi hámde oqıw processi menen bir qatarda futbol boyınsha ámeliy shınıǵıwlar alıp barıladı.

Bunnan tısqarı, stadiondı jáhan standartlarına sáykes túrde rekonstrukciyalaw arqalı Pro-ligada oynawshı “Aral”, “Jayxun”, “Aral akademiya” hámde qızlar arasında Ózbekstan Pro-ligasında oynawshı “Aral women” futbol komandalarınıń úy ushırasıwları ótkeriliwi menen bir qatarda, xalıqaralıq sport jarısların ótkeriw imkaniyatı jaratıladı.

Filial Baspasóz xızmeti.