Búgin 9-sentyabr kúni Ózbekstan mámleketlik dene tárbiyası hám sport universiteti Nókis filialında Jańa 2024-2025-oqıw jılınıń ashılıw máresimine baǵıshlanǵan «Biz bir bolsaq-bir xalıqpız, birlesek – Watanbız!» súreni tiykarında bayram ilajı bolıp ótti.

 Ilajdı filial direktorı, professor B.Erimbetov kiris sóz benen ashıp berdi.

 Soń Ózbekstan hám Qaraqalpaqstan Respublikalarınıń mámleketlik gimnleri jańladı.

 Ilajda filial direktorı bárshe professor-oqıtıwshılardı, student-jaslardı hám olardıń ata-anaların Ózbekstan Respublikasınıń 33 jıllıǵı menen qutlıqladı hám elimizde sońǵı jılları bilimlendiriw sistemasında alıp barılıp atırǵan reformalar, ózgerisler haqqında ayrıqsha toqtap ótti hám student bolıw baxtına miyasar bolǵan jaslardı shın kewilden qutlıqladı.

 Saltanatlı ashılıw máresiminde Qaraqalpaqstan Respublikası Sport ministrligi bólim baslıǵı I.Qudyarov, sport veteranı A.Kazakov hám professor-oqıtıwshılar sózge shıǵıp student bolǵan jaslardı qutlıqladı.

 Ilaj juwmaǵında Ózbekstan mámleketlik dene tárbiyası hám sport universiteti Nókis filialı basshıları tárepinen birinshi kurs studentlerine rámziy studentlik gúwalıǵı hám keyting dáptershesi tapsırıldı.

Filial Baspasóz xızmeti.