Aralboyınıń ekologiyalıq mashqalaları, qurǵaqshılıq hám suw resurslarınan aqılǵa uǵras paydalanıw máselelerine xalıqaralıq jámiyetshiliktiń itibarın tartıw maqsetinde Ekologiya, qorshaǵan ortalıqtı qorǵaw hám klimat ózgeriwi ministrligi hám ProRun shólkemi tárepinen usı jıldıń 14-15 sentyabr kúnleri Qaraqalpaqstandaǵı siyrek ushırasatuǵın tábiyiy orın – “Barsa kelmes” aymaǵında “Planetamızdıń keleshegine qosqan úlesimiz” atamasında xalıqaralıq ekomarafonı bolıp ótken edi.

 “Ózbekneftgaz” AJ qáwenderliginde ótkerilgen marafonǵa dúnyanıń 11 mámleketinen, sonıń ishinde, Kanada, Rossiya, Ispaniya, Daniya, Iordaniya, Angliya, Sudan, Hindstan, Belarus, Togo hám Keniyadan qatnasqanlar qatarında Ózbekstan mámleketlik dene tárbiyası hám sport universiteti Nókis filialınanda 50 den aslam kewilli professor-oqıtıwshılar hám studentler qatnastı.

Onda filial studenti Jánibek Nurıllaev bes kilometr aralıqqa juǵırıw boyınsha 2-orındı iyelep shólkemlestiriwshiler tárepinen statuetka hám aqshalay sıylıqlandı.

Filial Baspasóz xızmeti.