Usı jıldıń 17-sentyabr kúni Nókis qalası 1-sanlı sport mektebi (Manej)de sporttıń mini futbol túrinen “Sport ministri kubogı” bolıp ótti.

 Jarısqa Qaraqalpaqstan Respublikasındaǵı barlıq qala hám rayonlardıń sport mektepleri hám Ózbekstan mámleketlik dene tárbiyası hám sport universiteti Nókis filialı miynet jámááti aǵzalarınan dúzilgen komandalar óz-ara bellesti.

 Qızǵın bellesiwlerge bay tárizde bolıp ótken jarıs juwmaǵında 1-orındı Ózbekstan mámleketlik dene tárbiyası hám sport universitetı Nókis filialı, 2-orındı Nókis rayonı sport mektebi, al, 3-orındı bolsa Taqıyatas rayonı sport mektebinen dúzilgen komanda aǵzaları iyeledi.

 Eń jaqsı nátiyje menen 1-orındı iyelegen Ózbekstan mámleketlik dene tárbiyası hám sport universitetı Nókis filialı komandası aǵzaları shólkemlestiriwshiler tárepinen diplom, medal hám qımbat bahalı sawǵalar menen sıylıqlandı hám Ózbekstan Respublikası Sport ministri kubogına jollama aldı.

 Filial komandası aǵzalarına Sport ministri kuboginiń Ózbekstan Respublikalıq basqıshında tabıslar tileymiz.

Filial Baspasóz xızmeti.