Ózbekstan mámleketlik dene tárbiyası hám sport universiteti Nókis filialında Jaslar Texnoparkiniń qatnasında student-jaslar menen seminar-trening bolıp ótti.

  Seminar-treningti Ilimiy isler hám innovaciyalar boyınsha direktor orınbasarı Islambek Mambetnazarov kiris sóz benen ashtı hám kelgen qánige menen qatnasıwshılardı tanıstırdı.

 Soń Jaslar Texnoparkiniń “InnoX” biznes inkubatorı mentorı Yerlan Kereyev filial studentlerine social, innovacion hám startap joybarlardı tayarlaw, olardı ámeliyat engiziw, tańlawlarda qatnasıw tártibi hám talapları haqqında keńnen maǵlıwmatlar berdi. Sonday-aq, jaqsı baslama, reje hám joybar iyelerine óz jumısların tolıq jetilistirip islep shıǵıwda Jaslar    Texnoparki qánigeleri tolıq qollap-quwatlaytuǵınlıǵın hám ámeliy járdem beriwge tayar eknligin maǵlıwmat ornında keltirip ótti.

  Seminar-treningte filial studentleri bul baǵdardaǵı ózlerin qızıqtırǵan sorawlarına taraw qánigesinen juwaplar aldı.

Filial Baspasóz xızmeti.