Qaraqalpaqstan Respublikası Ministrler Keńesinde 1-oktyabr – Muǵallimler hám ustazlar kúni múnásibeti menen joqarı bilimlendiriw tarawınıń pidayıların sıylıqlaw máresimi bolıp ótti.

 Ilajda Qaraqalpaqstan Respublikası Ministrler Keńesi Baslıǵınıń orınbasarı Bayrambay Otemuratov sózge shıǵıp, jıynalǵanlardı ulıwma xalıqlıq bayram menen qutlıqladı hám ilimiy-pedagogikalıq jumıslarında tabıslar tiledi.

 Ilajda elimizdiń erteńgi keleshegi bolǵan jas áwladtı hár tárepleme bilimli, kámil insanlar etip tárbiyalawdaǵı nátiyjeli miynetleri hám pidayılıq úlgileri, bilimlendiriw tarawında ámelge asırılıp atırǵan reformalarǵa qosıp atırǵan múnásip úlesleri, óz kásibine bolǵan ayrıqsha miyrimi hám úlken juwapkershiligi ushın Ózbekstan mámleketlik dene tárbiyası hám sport universiteti Nókis filialı direktorı Erimbetov Bayrambay Karlıbaevich, sonday-aq, Oqıw metodikalıq bólimi baslıǵı Koshanov Dawletbay Erejepovich, «Sport oyınları» kafedrası assistent oqıtıwshısı Kaipnazarov Talǵat Shamshetovichlarǵa Ministrler Keńesi Baslıǵınıń Húrmet jarlıqları tapsırıldı.

Filial Baspasóz xızmeti.