Búgin Ózbekstan mámleketlik dene tárbiyası hám sport universiteti Nókis filialında filialnda “Biz náshebentlikke qarsımız” atamasında ushırasıw bolıp ótti.

Ushırasıwda filialdıń Jaslar menen islesiw, ruwxıylıq hám aǵartıwshılıq bólimi baslıǵı A.Meńlimuratov, profilaktika inspektorı, kapitan R.Ismaylov hám «Dene tárbiya teoriyası hám gumanitar pánler» kafedrası oqıtıwshısı I.Uzaqbergenovlar náshebentlik zatlar menen baylanıslı jaǵdaylardıń aldın alıw hám oǵan qarsı gúresiw baǵdarında elimizde alıp barılıp atırǵan is-ilajlar, onıń insan salamatlıǵı ushın keri tásirleri hám unamsız áhibetleri haqqında keń túrde maǵlıwmatlar berip ótti.

Ilaj barısında studentler bul baǵdardaǵı ózlerin qızıqtırǵan sorawlarına juwaplar aldı.

B.Qaljanova.