Ózbekstan Respublikası sport ministrligi, Sanlı texnologiyalar  ministrligi hám Fijital sport federaciyası menen birgelikte Nókis qalasında fijital sport oyınları boyınsha Respublikalıq chempionattıń 1 tur aymaq basqıshın ótkergen edi.

Onda Ózbekstan mámleketlik dene tárbiyası hám sport universiteti Nókis filialı «Futbol» qánigeliginiń «SKUF» komandasıda qatnastı.

Respublikamızda birinshi márte shólkemlestirilip atırǵan chempionatta filialdıń «SKUF» komandası aǵzaları barlıq qarsılaslarınan ústin kelip 1-orındı iyelep, shólkemlestiriwshiler tárepinen Diplom, kubog penen sıylıqlandı hám chempionattıń keyingi basqıshına jollama aldı.

Sportshılardı jarısqa professor-oqıtıwshılardan Muxammeddin Kutlimuratov hám Talg’at Kaıpnazarovlar tayarladı.

Filial Baspasóz xızmeti.