Prezidentimizdiń baslaması menen «Jasıl mákan» ulıwma milliy joybarı sheńberinde hár jılı elimizde ǵalabalıq abadanlastırıw hám kóklemzarlastırıw ilajların ámelge asırıw jaqsı dástúrge aylanǵan.

Nókis qalası aymaǵında “Jasıl mákan” akciyası sheńberinde elimiz abadanlıǵına úles qosıwdı niyet etken nuranıylar, hayal-qızlar, mákeme, shólkemler xızmetkerleri qatarında Ózbekstan mámleketlik dene tárbiyası hám sport universiteti Nókis filialı direktorı B.Erimbetov basshılıǵında filial miynet jámááti aǵzaları hám student-jaslarıda jaqsı niyet penen terek nállerin otırǵızdı.

Elimiz boylap ǵalabalıq túrde ótkerilip atırǵan bunday akciyalar xalıqtıń, ásirese, jaslardıń  ekologiyalıq mádeniyatın arttırıw, qorshaǵan ortalıqqa bolǵan dıqqat-itibarın kúsheytiw, ana tábiyattı keleshek áwladlar ushın asırap-abaylaw, ekologiyalıq jaǵdaydı jaqsılaw hám qorshaǵan ortalıqqa unamsız tásirlerdiń aldın alıwda áhmiyeti úlken bolıp esaplanadı.

Filial Baspasóz xızmeti.