Usı jıldıń 8-10-noyabr kúnleri aralıǵında Qazaqstan Respublikasınıń Astana qalasında dúniya júziniń 80 nen artıq mámleketlerinen 500 ge jaqın úlken jastaǵı sportshılar qatnasında sporttıń sambo túninen Jáhán chempionatı bolıp ótken edi.

Chempionatqa Ózbekstan saylandı komandası quramında Ózbekstan mámleketlik dene tárbiyası hám sport universiteti Nókis filialı «Dzyu-do» qánigeliginiń 3-kurs studenti Shahzoda Azatova -59 killogram salmaq kategoriyasında qatnastı.

Dúnyanıń kúshli sportshıları jámlesken chempionat juwmaǵında filial studenti barlıq qarsılaslarınan ústin keldi hám -59 killogram salmaq kategoriyasında altın medaldı alıwǵa miyassar boldı.

Studentimizdi erisken tabısı menen filial miynet jámááti atınan qızǵın qutlıqlaymız.

Maǵlıwmat ornında; úsh kún dawam etken Jáhán chempionatı juwmaǵında Ózbekstan saylandı komandası 2 altın, 7 gúmis, 4 bronza medalların qolǵa kirgizdi hám ulıwmalıq esapta 4-orındı iyeledi.

Filial Baspasóz xızmeti.