Búgin «Ózbekstan Respublikası Mámleketlik bayraǵı haqqında»ǵı nızamı qabıl etilgenligine 33 jıl toldı.

Usı múnásibeti penen Ózbekstan mámleketlik dene tárbiyası hám sport universiteti Nókis filialında bayram ilajı bolıp ótti.

Ilajdı filial direktorınıń jaslar máseleleri hám ruwxıy-aǵartıwshılıq isleri boyınsha birinshi orınbasarı R.Xaydarov kiris sóz benen ashıp berdi hám qatnasıwshılardı kelgen miymanlar menen tanıstırdı.

Soń Ózbekstan hám Qaraqalpaqstan Respublikalarınıń mámleketlik gimnleri atqarıldı.

Ilajda sózge shıqqanlar elimiz bayraǵı astında xalqımız turmısında, insanlardıń ruwxıy dúnyasında úlken ózgerisler, jańalanıwlar júz berip atırǵanlıǵın maqtanısh penen tilge aldı. Sonday-aq, bayraǵımız jaqsılıq, danıshpanlıq, páklik, sadıqlıq, gózzallıq, tınıshlıq, jańalanıw sıyaqlı sezimlerdi ózinde jámlegeni menen áhmiyetli ekenligin ayrıqsha atap ótti.

 Bayanatshılardıń atap ótkenindey elimiz bayraǵın kóz qarashıǵımızday qásterlep-saqlaw, onı ulıǵlaw hám bálentlerge kóteriw – hár birimiz ushın ana Watan aldındaǵı perzentlik parızımız bolıp esaplanadı.

Ilaj kórkem-óner tarawı wákilleriniń koncert baǵdarlaması menen dawam etti.

Filial Baspasóz xızmeti.