Ózbekstan mámleketlik dene tárbiyası hám sport universiteti Nókis filialı «Dene tárbiyası teoriyası hám gumanitar pánler» kafedrasınıń 2024-2025-oqıw jılı ushın ilimiy izertlew hám innovaciyalar iskerligin rawajlandırıw hám ilimiy isler nátiyjeliligin elede asırıw boyınsha is-ilajlar rejesine tiykarlanıp ziyrek studentler qatnasında seminar bolıp ótti.

Onda Jaslar awqamı Qaraqalpaqstan Respublikası Keńesi bólimi baslıǵı M.Xalmuratov, STARS international universiteti Nókis filialı direktorı B.Tolıbekov hám Jaslar Texno Parki Innox biznes inkubator mentorı E.Karievlar ilimiy-ámeliy, innovaciyalıq joybarlar jazıw, startap joybarlardı qáliplestiriw hám tańlawlarǵa qalay qatnasıwǵa bolatuǵınlıǵın haqqında keń túrde túsinikler berip ótti.

Ziyrek studentler kelgen miymanlardan bul baǵdarda qızıqtırǵan sorawlarına juwaplar aldı hám ózleriniń pikir-usınısların bildirdi.

Filial Baspasóz xızmeti.