Ózbekstan mámleketlik dene tárbiyası hám sport universiteti Nókis filialı tyutorları ijara shártnaması tiykarında ijara úylerinde jasap atırǵan studentlerdiń jasaw jaǵdaylarınan xabar almaqta.

Úyreniwler barısında tyutorlar ijara úyleriniń jılıtıw úskeneleriniń máwsimge sazlıǵın kózden ótkeriw menen birge, studentlerge gaz hám hawa aralaspasınıń shaqnawı aqıbetinde kelip shıǵatuǵın órtler, iyis gazinen zaherleniw jaǵdayları, jılıtıw úskenelerinen paydalanǵanda órt qáwipsizlik qaǵıydalarına ámel etiw kereklikleri haqqında úgit-násiyat jumıslarında alıp barmaqta.

Egerde jılıtıw úskeneleri, gaz plitaları hám elektor energiyası menen baylanıslı nasazlıqlardı anıqlasa yamasa sezse dárhal gúz, qıs máwsimine baylanıslı filialda shólkemlestirilgen shtabqa yaki ayrıqsha jaǵdaylar menen baylanıslı bolǵan arnawlı qısqa nomerlerine qońıraw etip xabar beriwleri kerekligi haqqında túsinikler bermekte.

Filial Baspasóz xızmeti.