Ózbekstan mámleketlik dene tárbiyası hám sport universiteti Nókis filialında «Sport oyınlarınıń túrleri: teoriyası hám ámeliyattaǵı aktual mashqalaları» atamasında respublikalıq ilimiy-ámeliy konferenciyası bolıp ótti.

Konferenciyaǵa elimizdegi joqarı oqıw orınlarınan tısqarı, Turkiya, Qırǵızstan hám Rossiya mámleketlerinen ilimpazlar, jas izleniwshiler, magistrantlar hám studentler qatnastı.

Konferenciyanıń ashılıw máresiminde Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetov hám Ózbekstan mámleketlik dene tárbiyası hám sport universitetiniń Xalıqaralıq baylanıslar boyınsha prorektorı Jasur Zarifbayevlar shıǵıp sóylep, sońǵı jılları pútkil dúnya júzinde bolǵanı sıyaqlı biziń elimizde de Prezidentimizdiń basshılıǵında denet árbiyası hám sport tarawın rawajlandırıwǵa ayrıqsha itibar qaratılıp atırǵanın hám usınday qollap-quwatlawlardıń nátiyjesinde mámleketimiz sportshıları tárepinen xalıqaralıq arenalarda úlken tabıslar qolǵa kirgizilip atırǵanın aytıp ótti. Sonday-aq, olar óz sózlerinde tarawdı ele de rawajlandırıw ushın, ilim menen tıǵız birge islesiw zárúrligine de toqtap, konferenciyanıń aldaǵı jumıslarına tabıslar tiledi.

Bunnan soń konferenciya óz jumısın baslap, Ózbekstan mámleketlik dene tárbiyası hám sport universiteti w.w.a professorı N.Yusupov, Ózbekstan mámleketlik dene tárbiyası hám sport universiteti Nókis filialı b.i.b.f.d (PhD) docent M.Ramazanov, Ózbekstan mámleketlik dene tárbiyası hám sport universiteti «Futbol teoriyası hám metodikası» kafedrası docenti A.Shermmuxamedov hám basqalar  tárepinen búgingi kúnniń áhmiyetli máseleleri boyınsha bayanatlar jasalıp, bul boyınsha ilimpazlar hám qánigeler ózleriniń pikirlerin bildirdi.

Konferenciya sońında bayanatshı hám qatnasıwshılar tárepinen bildirilgen pikir hám usınıslardı inabatqa alǵan halda sport oyınlarınıń túrlerin ǵalabalıq rawajlandırıw is-ilájları belgilep alındı.

 Belsene qatnasqan izleniwshiler hám student-jaslar filial administraciyası tárepinen sertifikat hám estelik sawǵaları menen sıylıqlandı.

Filial Baspasóz xizmeti.