Bul haqqında Ministrler Kabinetiniń “Joqarı hám professional bilimlendiriw shólkemleri pitkeriwshileriniń juwmaqlawshı mámleketlik attestaciyasın shólkemlestiriw ilajları haqqında”ǵı qararı tastıyıqlandı.

 Hújjetke bola, 2025-jıl 1-yanvardan baslap joqarı hám professional bilimlendiriw shólkemleri pitkeriwshileriniń juwmaqlawshı mámleketlik attestaciyasın jumıs beriwshi kárxana hám shólkemlerde de shólkemlestiriw ámeliyatı engiziledi.

 Qarar menen joqarı hám professional bilimlendiriw shólkemleri pitkeriwshileriniń juwmaqlawshı mámleketlik attestaciyasın ótkeriw tártibi haqqındaǵı rejeler de tastıyıqlandı.

 Sonday-aq, tómendegiler Joqarı bilimlendiriw, ilim hám innovaciyalar ministrligi tárepinen ámelge asırılatuǵını belgilendi:

•  ️joqarı hám kásiplik bilimlendiriw shólkemleri pitkeriwshileriniń attestaciyasın shólkemlestiriwde jumıs beriwshi kárxana hám shólkemlerge hár tárepleme metodikalıq jaqtan járdemlesiw hám de olardıń bul baǵdardaǵı jumısın muwapıqlastırıw;
•  ️professional bilimlendiriw shólkemlerinde attestaciyanı shólkemlestiriwden keminde bir ay aldın mápdar ministrlikler hám uyımlardıń usınısları tiykarında pitkeriwshilerdiń attestaciyası ótkeriletuǵın kárxana hám shólkemler jáne bilimlendiriw shólkemleriniń dizimin tastıyıqlaw hám járiyalaw;
•  ️2025-jıl 1-yanvardan baslap professional bilimlendiriw shólkemleri pedagog kadrlarınıń mamanlıǵın arttırıw oqıw rejelerine “Germaniya tájiriybesi” tiykarında pitkeriwshilerdi bahalaw boyınsha oqıw kursın kirgiziw.

Filial Baspasóz xızmeti.