Ijara shártnaması tiykarında ijara úylerinde jasap atırǵan studentlerdiń jaǵdaylarınan xabar alıw. Olardıń jasaw sharayatların jaqınnan úyreniw Ózbekstan mámleketlik dene tárbiyası hám sport universiteti Nókis filialında jaqsı jolǵa qoyılǵan.

Usı jıldıń 20-21-yanvar kúnleri aralıǵında filial direktorınıń Hayal-qızlar máseleleri boyınsha másláhátshisi B.Allambergenova basshılıǵında tyutor M.Yuldashova, «Sport oyınları» kafedrası oqıtıwshısı M.Urazımbetovalar menen birgelikte ijara úylerinde jasap atırǵan student-qızlardıń ijara úylerine bardı hám olardıń jasaw jaǵdayları menen jaqınnan tanıstı.

Úyreniwler barısında student qızlar menen jaqınnan sáwbetlesip, olarǵa jasap atırǵan xanaların taza tutıw kerekligi, gaz plita hám jılıtıw úskenelerinen paydalanǵanda qáwipsizlik qaǵıydalarına qatań ámel etip, sabaqlarına puqta tayarlanıp, tártip-intizamlı bolıwları kerekligi haqqında túsinikler berdi.

Filial Baspasóz xızmeti.