«Parij-2024» XXXIII jazǵı Olimpiyada oyınları qatnasıwshısı Shaxzoda Ibragimova Ózbekstan mámleketlik dene tárbiyası hám sport universiteti Nókis filialınıń «Kórkem gimnastika» qánigeligin 2023-2024-oqıw jılı pitkergen edi.

Respublikamızdıń shetki aymaqlarında kórkem gimnastika sportın elede rawajlandırıw maqsetinde Nókis rayonında jaylasqan 19-sanlı ulıwma bilim beriw mektebinde «Shaxzoda Ibragimova sport sheberligi dógeregi» shólkemlestirildi.

Dógerektiń ashılıw máresimine taraw qánigeleri menen birge filialdıń professor-oqıtıwshıları hám «Kórkem gimnastika» qánigeliginiń studentleri qatnastı hám xalıq-aralıq dárejedegi sport sheberi Shaxzoda Ibragimova kórkem gimnastikaǵa mehir qoyǵan qızlarǵa sheberlik sabaqların ótti.

Sonıń menen birge filial tárepinen oqıw qollanbalar hám sabaqlıq kitapları tapsırıldı.

Filial Baspasóz xızmeti.